Love The World

今日無無聊聊咁, 就上了NOW.COM睇下有乜睇, E...原來有BIG 4 大四喜的節目, 佢係取代志雲大師的志雲飯局的, 請D嘉賓上黎傾下計, 我見廣告有志偉同君如做嘉賓, 可惜NOW.COM仲未有, 只有師兄, 何CC同埋容祖做嘉賓呢一集, 雖然嘉賓未算吸引, 但都照睇...又幾好睇喎, 拿拿拿, 四隻野開演唱會係應該唱多D歌的, 但係呢D節目就講野多好睇LOR...原來飲醉了的安仔係會扮白免, 梁炳會扮十二生肖的, 成個節目都幾好睇, 佢地四個講得仲多個D嘉賓...大家有時間都可以睇下...跟住我又睇了百分百其中一集係范范做嘉賓的, 佢在完場時唱了首HEAL THE WORLD...好正喎。。係米高的歌。。。都係講愛，世界。這個世界好像漸漸失去的東西。。

泰國商場被燒

大家都愛泰國, 紅衫軍, 你地何必呢? 連Central World, ZEN 都燒埋, Big C又火足, 究竟要搞到幾時呢? 其實紅衫軍都愛自己國家啫, 仲乜要燒晒成棟樓, 破壞自己經濟, 只能說一句"加油呀泰國!"

泰國政局混亂, 香港何來唔係呢? 又辭職又入番局, 又搞補選當公投, 0的錢就係咁樣花晒啦, 將呢D公帑拎去救下個經濟, 扶下貧, 仲好啦!!!

小豬演唱會

原來成個月無UPDATE過了, 四月就咁消失了, 這個四月好忙的過了, 連生日都在工作中過了, 這個月, 讓我了解到一D人好令人費解的諗法, 他們講了出來, 你費解那些人的想法, 想爆頭也不知為什麼會這樣, 同樣的事情, 大家看法不一樣, 基本上是好平常的, 像一隻注滿了半杯的水, 大家都有不同的看法, 是IT'S ENOUGH還是太少了, 還是黙黙的看著杯子, 無聲勝有聲呢?!

今個月的頭砲是去了看小豬的演唱會, 打正旗號以3D舞台設計, 可惜坐在側面的我, 卻不能感受到, 不過都唔緊要, 我都唔係為呢樣野入場支持佢, 今次佢係紅館開, 好好多啦, 露天場我是不會再支持的..今次演唱會未能拿到滿分, 因為佢無唱到我好喜歡的歌呢....而且比想像中少歌, 因為佢成日都講野...如果可以少D講, 多唱兩首就好好啦....(同埋後面個女仔唔好尖叫)

E神DUO演唱會

果然果然無令我失望, 第一首歌已經唱到青根盡現, 你係好可以係佢身上感受到一個真心喜歡音樂的人是怎麼樣的, 真係聽到打入你個深心處, 雖然不會每一首歌都與你經歷有關, 但佢就係可以唱出每一首歌每一個故事, 令你陶醉非常, 雖然佢會偶意忘記歌詞, 沙沙地的聲, 但是他沒有保留的, 依然用力唱好每首歌...

由第一首至第十六首都間唱著別人的歌, 別有一番滋味...他說到張國榮那一PART, 是我最感動的,雖然我已經在電台聽過佢講, 聽多一次依然係感動, 說完了..隨隨唱出"寂寞夜晚"



全個演唱會的主題係同時間有關, 我特別喜歡佢將整個紅館當了一個時鐘, 舞台是齒輪佈置, 唱陀飛輪時, 在舞台射出來的光當作是長短針, 然後一格一格的跳動, 當跳動到我頭上時, 好似星戰的主角拿著的激光劍咁係我頭上擦過...個FEEL就好好...又配合首歌...




知道佢呢個演唱會會唱好多舊歌, 特別係華星年代的歌, 所以一早已經開始重温, 老實說的, 華星年代的歌真係最好聽...其實好似每個歌手的舊歌都係最好聽, 以自彈結他唱出"我的快樂時代"作結束, 真係好正! "毫無代價去唱幸福的歌, 原我可...." "時間夠了, 時針偏偏出了錯"

E神Pre-Shwo

未聽E神演唱會, 就已經好期待, 一向對佢呢個大師級都無失望過, 我諗真係唔駛我解釋, 佢把聲真係超正同勁有FEEL, 陳家瑛真係識貨, 計阿菲之後就簽了佢...每晚放工我都會聽電台的, 昨晚剛好是謝茜嘉播了訪問E神的演唱會訪問, 我第一次諗唔想咁快落車(平時緊係盡快啦司機唔該), 因為落車轉地鐡我就聽唔到...
你真係會聽得出佢呢個人真係超真實, 佢咩都會講, 連最後一首歌唱乜佢都唔怕講埋俾你聽, 會唱咩歌咩歌, 仲會現場唱番兩句, 連DJ都話唔想知, 希望佢賣下關子, ...鍾意聽演唱會的一個重要原因係好鍾意聽現場, 你無得走雞, 唱得唔好, 走音一定露底, 平時CD可以任你點執都得, E神係其中一個, 好有信心佢現場唱得比CD更好聽的一個...對於明天的演唱會...真的非常期待...忍唔住今日已經開始重温佢既歌...

BIG 4 @提子

無見提子一排, 提子媽已經把提子升了呢, 因為佢已經識得由沙田番我屋企, 又由紅館番去我家, 絕對順利及成功, 現在鳯凰只剩下新界區提子, 因為九龍東打劫已經順利地離家出走, 提子力保新界區勝利...YEAH....唔該晒提子呢兩日的接送!!!

星期六去了欣賞BIG 4的演唱會, 總括來講係無我預期的咁好, 因為好多經典歌我覺得唱得唔夠, 而且有時講野太長啦...令到同場的雙子星成日傾計(查實佢地係時時都係度傾計, 都唔關人地講唔講野)...好多歌我都聽唔到..好似雨後陽光呀, 男人最痛呀...要我上番YOUTUBE睇...

海派甜心

最近終於睇完小豬和楊丞琳的新台劇"海派甜心", 起初小豬的造型真的令人有點驚嚇, 他的草菇頭那有人會剪, 但當出了幾集沒有了這個菇頭出現, 反而會掛住...台劇劇情一向誇張, 不過原來都幾好睇, 因為幾好笑...一路睇一路掛佢之前的"轉角遇到愛"...禁不住好想重温一下...佢地兩個都好襯, 如果真係拍拖都真係幾好...好期待佢係紅館開演唱會...

黑白要結婚了

一單好開心的新聞呀!!! 感人而且非常替他們開心!!!

好多時候看他倆的節目, 黑人都愛表白, 范范就很含蓄, 看得我們觀眾都替他們肉緊, 黑人雖然肉麻但句句真心, 范范雖然很少開口表白她的愛, 但感受到她那份滿足及愛, 他倆一開始不被看好, 但倆堅持的愛証明了旁人都看錯了, 我自己就非常喜歡他們這一對, 祝福他們白頭到老!

菲都賀年

阿菲如果復出就好啦...佢依然好FIT, 好靚, 同埋仲好好聲...



我仲好記得阿菲在最後一次香港演唱會時, 在她的寫真集裡講過, 佢好希望佢退出後, 無人會再記得佢, 菲迷點可能忘記佢, 雖然佢依家暫時唔唱歌, 唔復出, 如果係真的話, 我會好尊重佢呢個決定, 但係如果佢有一日會改變主意, 番出黎唱, 我也會百分之一千支持佢, 無論我已經長大了多少...

雙包胎

MJ MI: 介紹得苦戀呢首歌, 我不得不提這首雙包胎的歌, 一樣係咁好聽, 好多時候會有先入為主的感覺, 聽了第一個版本, 永遠都覺得另一版本無咁好, 但呢首歌可以話係雙包胎中, 兩首都咁好聽, 同埋兩首都咁深刻, 仲要係由克勤親自填詞的...請收聽:

2009尾

一直都未有更新個BLOG, 有時都跟天氣有關, 太凍的時候, 完全提唔勁走去電腦前打野...當然LAZY都係一個原因啦...

2009過去了, 在年尾放了一個頗長的假期, 的確令人心擴神怡, 就算留係家裡休息, 也是件開心事...

2009聖誕夜, 跟一班好友在家歡樂的渡過了; 歡樂的不止是有得食, 有禮物收, 而是當中每一刻的過程, 已經好耐無試過成班齊齊人的聚集了, 只欠祖潘呢...不過據聞我們很快就會再重聚, 終於..終於..終於都可以再見面...(期待中)..這晚, 我發現好彩我不是男孩子, 因為我一點也不能踢好足球, 不是撞柱, 便是出界!這晚, 我發現有時候歡樂是要靠金錢來堆砌的, 賭博果然令人大喜大樂! 這晚, 我發現原來識得煮野食是好的, 但係面對一大堆碗碟時, 那代價便會自動找上門!這晚,這晚, 我發現友誼萬歲萬歲萬萬歲!!!

在這個假期, 我們還一起去看SAMMI的演唱會, 她是我們的年代, 很久也沒有看過她的演唱會了, 她真的唱得跳得, 好勁! 她唱的舊歌, 真的超有共鳴, 以前去K房, 唱她的歌簡直是不二之選, 特別嘉賓是前男友許志安, 全場震撼! 當他倆唱著昔日的定情歌, 不禁暗自慨歎這段情的結束, 真的是十分可惜, 雖然別人的世界發生了什麼一回事, 旁觀者無法理解及干涉, 只是作為觀眾的真的想看大團圓結局! 十二年呢...是兩個小學的階段了...

DJ MI: 找來兩首SAMMI早期的作品, 我很喜歡的作品: