喜歡她嗎？

上星期同友人G(女)講電話:

M: 你估你會唔會有一日同K(女)拍拖呢?
G: 緊係唔會啦, 一定唔會
M:其實如果你地兩個拍拖我會好開心的
G:點解呀?
M: 因為我唔駛再重新認識你的另一半...我完全知道佢係一個點既人...諗下你地拍拖個樣...
G: 想嘔呀...
M: 佢會成日整小禮物俾你...
G: EEEE.....諗起都....
M: 我要問下K同樣問題睇佢點答....

有日打俾K, 問了相同的問題:
M:你會唔會有一日喜歡了G?
K: 痴線啦你, 緊係唔會啦..
M: G又係咁講, 話唔會, 佢話諗起都UGLY
K:我聽到都起晒雞皮啦．．．
Ｍ：你同佢一齊，　佢會整野你食．．

點解我會有呢個念頭？因為我見佢地出雙入對，　跟住自己假設下佢地萬一真係喜歡上對方，其實不是壞事，因為她們的另一半我都不用重新識過，唔會有隔模，一開始就可以玩埋一齊啦．．哈哈哈．．．

日出而作

最近聽到一首歌, 有d歌詞真係好鬼抵死, 皆因佢好中point, 係農夫的"日出而作", 緊有一句0岩駛:

SICK LEAVE要點用　開會有乜用 打卡打卡打記得打卡 日出而作　搏一搏　我架單車都變麾托 睡眼惺忪9點鐘　記得起身返工 9個鐘9個鐘每日返9個鐘 個個都要返工　返工先唔使窮　證明你有用 份糧月中已經唔夠用　第1個鐘輕輕鬆鬆　等第2個鐘第2個鐘去SITE VISIT　順便去埋GAME ZONE 第3個鐘打電話　打成個鐘至接通 之後o個4個鐘勁多野做o係公司四圍中 入廁所沖嚇沖嚇 又釣魚中嚇中嚇 拿杯咖啡沖嚇沖嚇　沖嚇沖嚇沖嚇沖嚇咁又衝到最尾o個個鐘 個個睇住個鐘　個個等放工 放工去玩又驚第二朝早起又驚糧尾 返工係一個得閒死唔得閒病o既遊戲 你老闆唔鍾意你 你唔鍾意份工 鬼叫你鍾意份人工 咁就冇野需要理 返工放工　幾點至夠鐘 SICK LEAVE要點用　開會有乜用 打卡打卡打記得打卡 打卡最型　打極唔停 打少一成會雙目失明 大部份o既老細會低估員工o既能力 大部份o既員工會低估老細o既智力大部份o既老細會挑戰員工o既耐力 大部份o既員工會問同事拿零食 番工放工　幾點至夠鐘 SICK LEAVE要點用　開會有乜用 打卡打卡打記得打卡 日搏夜搏先發覺　最鐘意讀書返學

永遠就o黎遲到　班地鐵一定趕唔到 好彩第一個返到　老細又睇我唔到 成個朝頭早已經有鬼咁多野做 臨放工終於做到趴o係度 有人冇o野忙又要扮忙 女同事化完妝又要補妝 係pantry入面o既pantry黨扮開會 同一個PROJECT講完又講 掃把話唔夠數　出o黎捉人去跑數 跑極都係唔夠數　份人工又唔0岩數 最唔抵飲完酒晚起唔到身返唔到工 詐病請病假　又要付出代價 好彩呀邊個有醫生紙明碼實價　仲要做緊特價 請夠四日都唔怕 費時返到公司　好似隻死屍 放工去開P　點知要OT 打卡打卡記得打卡　唔係O左T有邊個知 返工放工　幾點至夠鐘 SICK LEAVE要點用　開會有乜用 打卡打卡打記得打卡 (喂 今晚我要早走呀 可唔可以幫嚇我手呀)番工放工　幾點至夠鐘SICK LEAVE要點用　開會有乜用打卡打卡打記得打卡(尋晚我都冇走　點打卡嗜)

小豬的第一次演唱會

小豬第一次係香港開演唱會, 好開心可以第一時間棒場, 23/2/08, 天氣唔好, 不時下大雨, 又大風, 又好鬼cold, 當日我仲係病0左, 雖然係咁, 我個心情都好興奮, 可能表面睇唔出, 因為根本無能力做到好興奮的樣子了. ..

開場時, 緊係跳舞啦, 所謂勁舞天王喎, 都唔係講笑, 真係好鬼型!
唱慢歌, 好深情, 真係埋d 都俾佢電死...
我好喜歡佢有一part 係彈piano 的, 係吊住係半空, 除了個場景好好睇外, 就係佢唱了一首我好喜歡佢的歌曲, 叫"自我催眠"....

第一場的特別guest 係"棒棒堂"呀, 正爆, 一次過睇兩個我喜歡的單位!


其實成個演唱會得兩個小時多少少到, 唔係好夠喉啦當然, 但係可能叫做少吃多滋味, 等我成日可以諗番起! 我依家知道 小豬真係有好多fans 0架, 而且好多首歌都係一齊唱, 好勁!

大家可以睇下以下的link, 係演唱會的花絮!

http://www.sooff.com/html/mediaDetails.aspx?type=tv&id=49&channel_id=3&section_id=5

下次紅館見!~緊係好啦, 到時我希望會買最貴的飛, 再入去支持佢!

這星期

只不過係去了跑步啫, 就痛足了四日, 有無搞錯呀? 因為之前整親隻腳, 所以停了數月的一人運動終於上星期六再度重來, 點知...你話太耐無跑又好, 話年紀大都好啦, 總知結果得黎係全身都痛足四日, 每日下小巴同巴士都好驚腳一軟會成個仆低...希望慢慢會習慣番...

今個星期真係節目多多, 星期六我就會第一次親眼欣賞小豬第一次在香港正式的演唱會, 當然係好興奮同緊張啦, 好耐無試過咁期望一個演唱會! 呢個歷史時刻萬二分期盼!

今個星期真係發生好多事, 肥姐的離開, edison的記者會!
其實都有心理準備肥姐離開, 始終都病了咁耐, 而且病情唔輕! 每次有藝人走了, 電視台就會搞d節目出黎, 有時真係唔想睇, 因為好sad, 睇-係一種回憶! 呢幾年好多由細睇大的人唔係度, 更証明了自己已漸長大, 呢d場面遲早要面對, 好無奈的! 但又阻止唔到...人生就係咁...所以諗下..一日咁辛苦做乜鬼呀...日做夜做又點喎...現實生活...咁我既理想生活呢....

一直都好想自己去旅行...又或者係同d朋友一齊去都好開心....自己一個人去...好想去體驗一下..不過我自己咩鬼都驚喎, 又驚一個人一間房訓, 又驚俾人捉走....又驚遇到賊..都唔知幾時先克服到...

情人魔法

情人節邊個話兩個人過先開心, 我就認為一大班人過都一樣咁happy, 今年情人節, 一大班鳯凰人又再出動, 睇番套好戲, "魔法奇緣", 呢套戲打住迪史尼招牌, 一向迪史尼的卡通片都好經典下, 今次現實卡通一齊黎, 應該大有睇頭, 果然係不負眾望, 浪漫, 搞笑, 開心, 正能量源素皆在其中, 我的cd架已預留了一個空位給這套好戲...

克勤演唱會

上星期一行七人去睇克勸李的show, 未買票時, 諾諾幾乎日日致電, 直至通知佢飛已買, 再沒來一個電話..什麼小朋友呀, 那麼現實!

第一次睇演唱會的諾諾, 相信她心情應該都好開心, 我同佢去買營光棒, 阿叔見到佢, 佢立即話"要粉紅色", 終於開show了, 大聲的音樂沒有把她嚇倒, 更沒有將預先帶來的耳罩載上..

每個演唱會都設有的握手環節, 諾諾問我"姑姐, 點解唔買下低0個d位, 可以同李克勤握手喎", 細佬仔都唔識野, 幾貴先得0架, 我便說:下面0個d好貴0架, 等細佬大個, 我地一齊坐啦..諾媽聽到立即說, :係咪你買飛呀?....哈哈哈....

今次諾諾睇演唱會主要個目的係聽一首歌, 就係"青出於藍"主題曲"開學禮", 佢係叫呢首歌做"同學各位", (其實沒什麼好聽, 佢偏偏愛爆) 因為頭一句的歌詞就係咁樣, 諾諾成日問點解未唱"同學各位" , 我話就唱0架啦, 去到一半時, 佢主動同我講, "姑姐, 我知道佢一定會唱同學各位0架, 你唔駛講我都知"...我咪話"係呀係呀", 心諗陣間唔唱唔知點收科, 果然, 越來越唔對路, 去到2/3時間, 佢開始唔開心, 正確黎講係黑面, 無論點同佢講野佢都唔再出聲, 連阿媽都唔認...今次真係出事, 無諗過佢情緒跌到去谷底, 結果, 都係無唱到, 佢嬲足下半part...無人可以再令佢開心番...事後離開, 佢阿爸都大聲話, 個演唱會最唔好睇就係無唱"同學各位", 佢依然係無反應, 連行步路都黑過人.,,,,

我買俾佢支營光棒係第一首歌之後已爛了, 真係俾佢激死, 仲有呀...係中場時, 我問諾" 你叫了我未呀?". 其實"姑姐"兩個字都好易答啫, 佢竟然講一大輪野都唔肯叫0個兩粒字, 佢話"叫了你啦頭先", 我話幾時呀? 諾話: 頭先我地去買營光棒時, 我咪叫了你0羅", 我無好氣話"叫多次得唔得呀?"佢才肯說"姑姐"

佢個人真係太有原則啦...

由於未能影到佢黑面個樣, 這只是資料圖片!

買多少少啦

最近發現大家都好喜歡我談諾諾的趣事, 我希望可以日後繼續 update多d 佢的消息俾大家知, 大家睇過佢平日的趣事, 都話呢個靚妹人細鬼大, 講野鬼咁醒, 我都認為係超勁, 都唔知佢係邊度學番黎, 又同大家分享下我同佢去超級市場的事, 那天跟她去超市, 我帶了$20, 佢話要買朱古力餅, $13/2pads, 問佢要咩味, 朱古力定橙, 佢話一樣要一包, 跟住我就話, 買完啦走得..

諾諾:姑姐, 買多少少野先啦

我話：唔夠錢喎, 得０個廿元, 你仲想買咩呀？

諾諾：唉, 買多少少野先啦

我話：無呀, 走啦．．

諾諾：買啦, 買多少少啦（不停講）（帶有唔開心的語氣）

我心諗, 得０個七元都唔知買乜好, 佢又知我仲夠錢買多ｄ野, 順應要求, 唯有買多２包啫喱先走得人

新年

原來話咁快就到了番工的日子年初五, 過去四日, 好似無放假一樣, 唔係出去拜年就係有成班人上黎拜年, 真係忙個不停, 休息? 仲忙個番工啦…
不過, 每次新年, 諗起可以見一見好耐都唔見一次的親人, 的確係一件唔錯的事, 人大了, 自然對家人的感覺要更珍惜, 雖然好例牌要去一去, 咁去到, 傾下笑下依然係開心事…

年初一二, 我都見到我個姪女諾諾同姪仔梓曜, 姪仔大個了好多(唔記得幫佢影張相), 成日都會騎騎笑, 姪女依然固我, 一樣係好串咁, 不過我依然係可以整蠱到佢…話說我地一齊搭車番阿嫲屋企, 佢突然話: 姑姐, 我陣間可唔可以痾完屎先同你玩呀, 因為我好急呀..
姑姐講慣屎尿屁, 自然見怪不怪, 道: 你好急咩?
諾: 係呀, 就黎唔得啦…
姑姐: 你忍住, 不如..你大聲講俾D人聽, “各位, 我要上阿嫲屋企痾屎呀. 因為我好急呀”
諾諾真係一字一句大聲係巴士上講了出黎…”各位, 我要上阿嫲屋企痾屎呀. 因為我好急呀”
我叫佢講多次, 佢真係連講兩次, 佢阿媽SHU佢叫佢唔好講, 佢話: 姑姐教0架…
我話: 雖然係我教既, 但係係佢叫我教佢講既…哈哈….

由於趕住去下一個目的地, 我幫阿諾著番對鞋,
姑姐: 喂, 你隻腳要塞入黎先得0架, 阿姐…
諾諾: 喂, 你唔好叫我做阿姐得唔得呀, 叫番我做MELODY 啦..
吹漲…

諾: E…姑姐, 你好似好耐都無同我落街啦喎 (好明顯係屈我落去買野食, 講得幾好聽呀>>>)

聽自舅婆的親身經歷, 話說舅婆當時坐了在諾諾的手袋前, 諾諾係另一面盡撻阿嫲的全盒內的朱古力餅, 捧了成手都係, 走去舅婆的面前說, “唔該俾番個手袋我..” 舅婆見佢拎咁多, 問佢”你有無問過阿嫲呀, 你拎咁多” 諾諾好坦白話: 無喎…. 舅婆”咁你問下阿嫲先啦”….諾諾好聽話即時轉身, 但唔係去問阿嫲, 而係……走去全盒到, 放低番晒d 朱古力餅, 再走去舅婆個位到同舅婆講: 唔該你俾個手袋我呀?.... 舅婆識破佢啦..佢其實係想拎個手袋去全盒0個度, 然後裝d餅落去LOR…一黎唔駛問阿嫲又可以過到舅婆0個關…..超醒….

情人節番睇

上年情人節看了這套戲後, 我很快便買了它的sound track, 因為歌曲很動聽, 很感人, 每次聽都想起戲裡的情節, 最近好友根告訴我, 它的vcd 跌到$19, 立即前往搶購, 因為很想珍藏, 依家都唔駛第一下出就買, 因為佢遲早跌價, 重温後依然很冧, 尤其是huge grant 唱出的 dont write me off, 真係好冧! 主題曲就更唔駛講, way back into love, 一度成為我的電話鈴聲...誠意推介你今個情人節首睇或重温...



Dont write me off, please click the following link:





http://www.youtube.com/watch?v=N60MRkqlJgc

二零零發相

2008年的大事回顧, 疑似藝人淫照必定榜上有名, 三甲走唔甩, 估唔到2008年只來到二月便已要大事回顧, 真係大吉, 呢件事成為了多日頭版, 由起初唔係好知乜事, 到咩野都睇得清清楚楚, 真係撞鬼咁, 過新年, 香港人講得最多唔係祝賀語, 而係 "有無新相?" "有無片睇?" 連口頭嬋都加埋"疑似乜, 疑似物"咁, 真係熱爆!

呢件事, 真係寧願咩都唔知, 佢地的私生活真係無興趣知!

agnus b 朱古力

平時唔係太食朱古力的我, 一見pantry有angus b的朱古力, 都真係唔理得鍾唔鍾意, 照食可也!

有趣書名

書名是一本書的重要點, 唔止係要帶出主題, 吸唔吸引到人拿起來翻閱幾秒, 直接影響了你的銷量, 連書名都唔吸引的話, 點賣呀??所以依家d書名真係要出奇制勝

這本我一看見就笑了出來, 特別送給"雷霆儲蓄"的作者阿根

這本究竟是什麼事呀, 緊係無人想撞山啦, 鬼唔知咩!?其實佢想做咩呢咁?

25太遲了, 還說是開始, 5歲立即變可以嗎?