429 不能說話的餐廳

昨晚是祖潘的生日大日子, 唔知咩原因今年話要搞break through, 去了一間高格調的意大利餐廳, 我與祖潘先到達, 不對勁事情開始發生, 餐廳彌漫著寂靜無聲的感覺, 只得兩三枱人, 一坐低就知今晚餐飯實在不可能跟平時一樣熱哄哄的喧嘩...當大家逐個到來時, 都立時唔對勁, 同樣的感覺吧!!!

未食野已竟諗定下一場, 要去番間可以俾我地嘈的地方食野!!!

谷主最近事業蒸蒸日上, 遲到成為例行工事....由於一向專注於九龍東地皮的她, 對銅鑼灣的發展始終不太認識, 迷路實屬正常事, (艾美和嘉雲最醒目, 一點即明地點, 強烈對比顯而易見...) 還習慣到茶餐廳聚腳, 一入來便高興地解釋遲到原因, 完全忽略了格調什高且擁有寧靜氣氛的環境...喊停都來不切, 只是後知後覺了一點...

我們深明遲到自負的道理, 都未等齊人已開始食野了, 話晒餐飯係食格局, 非食物是也, 所以都唔理得佢成碟飯每人只可以得到一茶匙, pizza幸好每一分到一片, 一小撮墨魚意粉, 還有拼盤的...

我覺得意大利人其實唔係咁nice 囉, 一杯水都唔俾我地, 原來, 連杯水都要錢, 真係小氣, 水都無杯...迫人飲wine, 我地唯有選擇飲一支生果汽水...

Birthday Queen, 雖然我數這間餐廳的不是, 但我絕對follow你的選擇, 我只投訴餐廳, 不是你呀...別誤會呀!!!

草草吃完後, 我們另轉陣地, 繼續醫肚...其實我已飽飽地, 可能係杯生果氣水頂胃啦!!!

入了一間什麼水牛記, 一坐下就連珠爆der, "淨水餃, 淨雲吞, 淨牛腩, ...山水雪中情(甜品), 雙皮奶", 睇黎呢度先係主菜喎, 在這裡我們可以高舉乾杯, 大聲談笑... 還談到下一位成員生日要去邊度搞, 六月之星今年話要分開搞, 兩個一早傾好晒, 總知掉低一句"分開搞"...

最後, 要再係度祝Birthday Queen, Happy Birthday!!!

經典場面

每天坐瘋狂小巴回家, 除非很累, 否則我都盡可能唔訓覺, 還要緊握扶手, 昨晚回家時, 照舊瘋狂, 可是去到某一個落斜位時, 竟然擠塞起來, 起初也不以為意, 以為只是小型交通意外, 當我們車子可郁時, 發現相當多差佬係度, 跟著眼前所見的竟是常在戲中出現的”旅遊巴險墜涯”的經典一幕, 小巴上所有乘客包括司機都大呼了出來, 車子前輪已駛出半空中, 如果旅巴再駛前多一分, 又或者大風D, 應該係咁先…萬一真係出事, 戲中的蜘蛛俠會立即出現? 現實呢???唯有等上天打救, 我當然唔想呢D經典場面會發生在現實, 因為原來睇0個個已經睇到提心吊膽, 司機及乘客不嚇個半死才怪吧!

回家後立刻上網看看即時新聞, 果然有此篇報導, 車上只有司機及兩名乘客, 司機報稱是為閃避一輛切線私家車, 才會撞上石壆, 再差點衝落山涯, 真係驚險!

再一次提醒我係瘋狂小巴中最好唔好訓!!!

吳克群

最近有一位歌手我很喜歡的, 那就是吳克群, 不知大家是否認識, 其實很久以前也聽過他的名字, 最近因為他出了新CD, 所以時時在CHANVEL V 的台會見到他, 他自作的”為你寫詩”, 非常好聽, http://www.youtube.com/watch?v=ML1R6wl_dlE&feature=related 他寫”愛情是一種怪事”, “愛情是一種本事”, 很有意思,

愛情根本是一件奇怪的事, 無啦啦兩個豪不認識, 豪無拉”LUNG” 的人可以相愛, 可以愛對方比愛自己更重要更多, 你說不怪嗎! 通常只有”緣份”二字才可全然解釋這些不解之理…

愛情是一種本事, 大家的相處之道, 兩個人所經歷的事, 怎樣走怎樣處理, 你處理成點, 根本就會影響未來的結果, 結局, 所以經守愛情, 等同經守一盤生意一樣….

我說愛情是一種天事, 上天的事, 因為…原來一切都已注定嘛!!! 你有緣份是上天安排, 你們的結局原來也一早安排了…

還有兩首歌推介:

牽牽牽手
http://www.youtube.com/watch?v=5mgCLXbo9OU&feature=related

越愛越難過
http://www.youtube.com/watch?v=qPe9WzpTaWM&feature=related

高跟鞋的緣份

自問...高人一族....這樣正正會跟令女士變靚的高跟鞋劃清界線...人高自然腳大, 買鞋成為了我的煩惱, 除了可以輕鬆買到converse外, 番工鞋都好難買...因為香港人腳細lor...問過很多朋友, 原來只要一著d 番工鞋, 總會令到腳掌前後都受傷, 挖腳, 前面夾到紅晒, 真係成日出現, 尤其是係新鞋...

幾天的展覽會, 已令我腳全面跌入水深火熱之中, 一黎著唔慣, 二黎要行黎行去...痛苦真係十級, 一回家, 除鞋0個下真係最舒服, 全部損晒, 起水泡, 腫晒...好似十大酷刑咁...後來頂唔順又著番對舊鞋, 都唔理得靚唔靚, 舒服最重要....我真係佩服每天都高跟的人, 我有時去zara, 佢有好多大size幾寸高跟鞋係度, 我都會好好奇去試下, 一著上去, 我連行都行唔到, 個重心唔知去了邊...我見以前個同事仲會著住三寸高跟鞋係咁走....我真係超級服呀!!!

我承認高跟鞋的確係會靚d, 著了都高架0的...但係我都係盡可能唔同佢扯上關係好d, 我都係認為我對腳緊要好多....其實女士們好慘, 有d都唔想著, 卻為了工作不得不著, 有好多又搞到靜脈曲張, 真係為兩餐, 好艱難呀!!!

依家只有星期六日才可以著回我最愛的Converse了!!!

高跟鞋, 我們沒什麼好緣份的...我們還是減少見面吧!

今年生日

今日終於都放假啦, 我的星期六終於都番黎啦...唔駛番工的星期六才是我的星期六, 我真不能做一個以事業為重的人, 貪圖五日工作才是我的志願!

這兩個星期除了番工, 就是工作...(沒分別)....

今年的生日, 正日照舊安排了給鳯凰會的好友, 一大班人過總是最快樂的, 由於最愛而且唯有生日才能爭取到的"意大利番茄餐廳"已經不再設有"自助餐"這個環節, 今年, 我唯有另選別處, 我選了"旦Y人"作為今年的聚點, 很久沒去了!

我懷疑大家仍受到迪史尼夢想世界的干擾, 竟然以"公主"為主題, 買了一些皇冠的東西, 而另外大家就有生日帽, 以為要帶足全晚, 這一定會成為youtube熱爆點擊生日片段..不過我卻說這個皇冠不是為我而準備的, 因為祖潘的公主造型更唯肖唯妙, 一定跟她在美國迪史尼生活了一段時間有關, 她手勢十足, 似足白雪..

如果你見人咁帶住個皇冠食足全場, 真係驚lor...

成格野食...正......好快已KO晒...

成餐晚飯都好熱鬧好開心, 由於生日當天到那裡食飯是可以得到免費蛋糕一件的, 更會有成班侍應圍住你唱歌, 最怕做主角的我, 真係免得就免啦, 有個侍應奉上蛋糕後, 我們估到他的舉動是去叫齊人馬來唱歌, 我們立即叫住佢, 揮晒手話唔駛唔駛, 佢見幾個人同時揮動叫唔駛咁齊心, 我見佢嚇到面都青埋, 真係唔駛嘛...結果..............? 呢個唔駛, 可能真係會後悔的, 換來的是極幽怨的合唱版, 由於怕騷擾到其他食客(幾為人著想!!其實成晚嘈到爆), 大家把聲線壓到極低, 也顯不出什麼歡樂, 很幽怨的唱了一首.....大家唱完都好似聽完鬼故一樣...不過場境很好笑的.....無所謂喎....大家好有心...我都好開心...後來都有再唱一次.....收到了艾美的鴨仔牙刷架, 谷主的小豬書...

我還要感謝綠陽他們又請我食飯, 還有沙姐跟老予的幾米筆, 同事的飯盒與铅筆造型的筷子, 一些不能供開的禮物, 阿yen的維尼音樂, idy 請了我食一餐貴架日本放題, 舊同事的聚舊晚餐, 鳯凰會的各成員, 多謝晒!(唔記得點名的...都多謝你們呀....)

停不了的19天

我終於都番黎啦...好耐無update過個blog, 大約有兩星期吧! 去了邊....真係好似離開了香港一樣, 過了非人生活一樣, 其實不是什麼太辛苦的日子, 只係連環兩個星期六日都要開工啫!!! 由於公司舉辦展覽會的關係, 每一日都要去機場博覽館上班, 其實番機場都幾好, 一黎唔駛日日坐係office, 二黎車費平了好多, 三黎仲可以行下show, ...我去做supporting的, 落手落腳唔係我地, 不過...有咩問題我地都要即時幫客戶或sales 解答...有時我同我的同事會出到展館行下, 嘩...好鬼靚0架, 睇到好多關於聖誕節的掛飾呀..禮品, 家庭用品, 好似行百貨公司咁...我新屎坑, 未去過, 第一次緊係好新鮮啦...!!! 令我最深刻的係一個係"假窗口", 係咁噴/落雪, 仲有埋張相, 是遠景小屋tim, 我叫同事買個番去屋企掛係所有的窗口到, 咁樣唔駛去第二度過聖誕, 掛晒係窗口, 一望出去, 就見到落雪同埋遠處有小屋, 以為自己真係去了外國咁tim....

(T2每日lunch之地, 好靚的海浪天花呀)

每一日我都坐機場快線番工呀! (唔好以為我咁有米, 緊係唔駛錢先坐啦) 有一日, 我在機場站等開車時, 見到有一個廣告燈箱, 佢寫住"72% of Airport Express Passengers are Professional, Manager, Executives or Business Owner", 我不期然望一望自己, 心裡不期然對自己說, "原來我屬於另外的28%"....真係幾搞笑! 咁大比例都入唔到....

呢兩個星期, 雖然工作唔係辛苦, 但係踩足咁多日, 都咪話講笑, 番到屋企除了想快d食完野外..就係要即刻訓, 唔係真係唔夠精神....中間夾住係我生日, 我想放假都放唔到...講到生日又係另一個topic了.....

411

YEAH>...生日了....

多謝...idy 請我食飯! 魚生好味呀...不過太貴了...

多謝...荃灣綠陽四口子....又請我食了一餐.....及你們送的幾米筆....我會放在公司用的....一支跟身..

多謝....下一份禮物.....

多謝....你們的sms...

多謝....你們的msn...

以前一到四月..就會時刻到數自己的生日...今年....好似跳得好快咁...一望月曆...已經係八, 九 號了...也來不及用什麼心情去迎接....心情其實無乜變...雖然身邊的人會係咁提你幾多歳...我也很清楚, 我還是希望這是一個公開但不公開講的秘密...哈哈...

生日願望: 最重要都係最老土的身體健康(沒有這個..得到什麼都沒用的), 世界和平(難道你想日日看見有人戰爭嗎?), 人人環保(珍惜資源也非常重要呵), 身邊的所有家人朋友自己順利平安..., 要天天都開心(苦口苦面...我不要的), 生活平靜....旅行.....放假...新知識....心想事成...yeah!

四月

踏入四月生日月, 本身唔係好注意到的我, 被特如其來的一日打醒了, 話說同事阿梅於星期日打電話告訴我, 叫我不要帶飯, 昱日上工, 回到坐位時, 有一個全新lunch box (當然裡面盛滿了餸的, 而且仲要係好美觀的)加一對铅筆筷子(全新), 仲有一份都市, 一份虎報, 放晒係枱面, 我當堂"嘩" 了一聲....原來是同事阿梅為我特別準備的, 老實說, 真的好開心, (請勿將迪史尼毛巾計算在內, 後話) 由於, 係一份我估唔到的禮物, 平時人地送飯盒就算...未試過會整埋飯俾人食...有200分的驚喜, 對铅筆筷子, 真係好似铅筆, 我起初真係以為係铅筆, 仲係度諗, 乜依家唔係個個都用铅心筆咩...仲咩送铅筆俾我...
真的非常謝謝阿梅的一番心意(你的生日禮物hoho...), 還要特別鳴謝教練(梅男友), 因為個d餸係佢煮的, 真係好好食...未試過食飯盒食得咁有心機的...真係嘆住黎食....那天...真的勁開心...有青青芹邊草配紮紮跳雞柳, 洋蔥牛仔柳腰舞, 紅白醋米大決戰...

講起呢個lunch box, 係我有一天跟idy行citysuper時見到的, 我經常話要買個勁飯盒, 原因, 就係要容易清洗, 沒帶開飯的朋友可能不知, 其實飯盒都好油下, 即使你的餸不太油膩, 你用d平飯盒, d油都幾難洗, 可能要洗多幾次, 所以我要買d 特別注明係易清潔的, 雖然係貴d, 但係物有所值, 因為你慳到好多時間同埋力水...

阿梅就係聽到我成日咁講, 所以就買了這個禮物給我, 但係其實我係星期日佢打俾我前, 我也在當日自己在千色店買了一個勁飯盒, 特別注明係made in japen, 仲要係樹脂物料, 標明易潔..
阿梅話早知早d送, 因為佢又係一早買了, 我話唔緊要, 因為飯盒唔會只得一個, 依家我有兩個勁飯盒了, 仲有一對可愛筷子....

就係咁...我開始留意原來我的生日將至...

今日收到兩位好友yen和idy的致電, 相約食生日飯, 講真, 我無諗過佢地都會前後腳打來...沒有夾定...好開心係因為佢地記得自己生日...而不是有餐食....感動佢地都好有心.... :)

鳯凰會...緊係記得我生日啦...已經約埋晒人...特別搞笑係本身一年前話會幫我搞生日的潘祖被阿斤臨門一腳爭了做搞手的事...阿斤又成為今年搞手, 好希望佢今年唔會叫我生日當天回家先, 等到十點才出來我就已經心滿意足了....

Karen, 都係四月之星, 今年我們未能為你大搞, 因為你忙於exam中, 好彩都同你食到飯, 相約定..exam完同你k個爆.......