新年快樂＠零分姑姐

一年幾日的新年假期, 好快就完啦, 初一到初三都係不停去拜年, 即係話放假都係無放, 但係都幾開心, 因為有好多親友都係一年先得呢個機會見面傾計, 所以都好珍惜, 每年的新年, 我總會想到小時候到阿公阿婆屋企拜年, 人越大越念舊, 也更要學懂珍惜每次見面的機會, 因為唔係每樣野都會停係度唔變, 有好多野霎眼就會唔同晒...今年都不例外, 每日都會見到姪女姪仔, 梓曜仔已經識行識叫人, 超活躍, 睇少一陣已經唔知行了去邊, 諾諾今年最乖既野就係肯叫一聲姑丈, 聽都未聽過, 諾媽果然有計, 佢照例係利是前就係姑姐大人姑丈大人, 過後緊係無咁好口, 搞笑本色同埋發脾氣本色依然...小朋友係記仇既, 上次沒收過佢D糖, 記到我依家, 竟然俾零分我,

利是封

尋找靚的利是封, 真的不客易, 雖然大家收利是的不在乎外在美, 只在乎內在美, 但作為派的人, 既然內在美已經被豁出去, 無論如何都希望豁出去的一刻, 係漂漂亮亮既, 唔好失禮, 雖然我唔係好希望收的人會記得呢封係屬於我的, 但點都希望他們係拆的時候, 至少都會說一句呢個利是封幾靚喎, 雖然好無聊的想法, 但依然堅持!

今年多得嘉雲又再一次為我爭取到一些靚的利是封回來, 我喜歡長型利是封, 因為可以慳番D功夫唔駛接埋, 今年中國工商銀行這個利是封順利勝出成為我的最愛.





另外, 最好質地的就要屬於朗豪方呢款啦, 好厚下0架

味千粉絲

一向係味千捧場客, 爭在0個時無抽到佢隻股票做小股東啫, 諗起都有D後悔, 前幾天晚上去味千, 又見到有新野, 係禮盒裝, 四包麵+一隻湯碗, 雖然唔係平時堂食0個款, 但都幾好喎, 有個位仲可以放筷子

$68 四包麵+一隻湯碗, 都算合理
"健康第一" 好啱聽的新年祝福語

Sing a long song

近期最愛

2009.1.1 方大同勁呀

沒有UPDATE係因為天氣太凍, 我連伸隻手出來打野都難, 因為雙手冰冷到爆, 估唔到2009年開首呢兩個星期會咁鬼凍, 今日開始回暖番, 我先可以出番黎打野, 原來話咁快下個星期就過年啦, 啱啱先過了聖誕節, 熱鬧氣氛一直延長到一月, 兩個日子太接近未必係好事啦, 啱啱先好似放完假, 咁快又要再放, 一年流流長, 攤分長D黎放應該會令後面的日子好過D嘛,

2009.1.1 去了睇叱吒, 多得阿嘉雲密密消費換到飛番黎, 賽果滿唔滿意, 我OK喎, 方大同勁呀, 支持佢既, 佢可以一路以國語歌為首, 直殺到男歌手金獎, 真係好厲害, 佢首"如果愛"好好聽, 謝安琪就好正路, 另外最開心係王苑之新登女歌手銅獎, 希望呢類唱得之人可以砍低用錢買番黎宣傳推砌的歌手啦...


呢個短片係每次睇都覺得好搞好笑, 好鬼正!



(保留意見就唔好接受訪問啦, 激死)

2008中國四大事件

2009年的一月, 係時候要回顧下2008的所作所為, 一到年尾, 我就好喜歡睇2008新聞十大回顧, TVB每年都做得好好, 我唔識講國家大事, 但係呢幾件事, 真係2008中國人的印記, 有年頭的雪災, 五月的四川大地震, 八月的奧運, 跟住就係毒奶事件, 每件事都深刻, 有悲有喜, 有笑有淚, 2008年係中國期望了很多年的日子, 卻連接發生了很多不幸事, 看得人心都傷, 大地震的陳堅, 相信大家都還記得, 我常常都認為每一次的事件都是一種經歷, 讓你成長, 這一年真的上了很多寶貴的課堂, 事情不是過去了就讓它過去, 所有的故事背後都像有意義, 要去領會箇中道理的, 不易的.
奧門的精彩開幕禮, 一點都不失禮, 雖然還是有特技假腳印, 幕後代唱這些新聞, 但都不滅所有人熱愛情度吧, 看著劉翔不能在自家門前奪標是一大打擊, 但其他選手的精彩絕技都已拍案叫絕, 由於沒有有時差, 所以看得特別暢快, 不用半夜排起身, 記得那兩個多星期就是一放工, 街都不去, 趕回家看電視, 每天都約了奧運會, 節目多豐富.

祝大家2009繼續精彩, 世界更和平