Let it slow

聖誕節充滿童話夢幻, 廸史尼與聖誕節是絕配, 所以齊齊再踏進這個歡樂世界, 小朋友諾諾都一起同行, 她全日都情緒高漲, 絕對係關鍵旅行的皇牌口號"未出發先興奮", 每次同行友人問她準備好未, 她必然指定動作"準備好"
諾諾成身米老鼠打扮, 連遮住的腰帶也是

來過兩次, 我們總抱怨為何樂園雖少, 我們還未玩過晒所有遊戲, 火車還是未坐過.

巡遊依然好睇, 諾諾雙手都未停過, 她真的認為公主及公仔跟她揮手呢


諾諾終於可以跟米老鼠拍照了

大家為了照料這小朋友, 抱的抱, 拖的拖, 她也為我們帶來很多歡樂, 有她一起同行, 真的很好笑, 阿根已成為她的王子了, 照料小朋友真不是易事, 就是說要幫她除衫, 我已搞到佢好驚, 扯極都扯唔出, 所以我無再幫佢, 交俾其他更細心的朋友們, 照料佢食野, 又驚佢倒瀉, 不過佢表現比我想像中好, 只係時不時好可憐咁叫我買野俾佢, 分別係: 姑姐, 咋咋林買對手套俾我(米奇大手套); 姑姐, 我真係好想買個升氣球呀; 姑姐, 我諗過啦, 我要買隻米奇耳仔帶住先得呀; 要不停打發佢, 例如: 買了升氣球搭唔到巴士番屋企, 巴士司機會吉爆佢先俾你上車; 帶了手套, 米奇同唔到你握手...朋友們時不時黑心的跟諾諾說, 叫姑姐買五盒曲奇俾你, (想我破產) 好彩到最後都係兩盒收手, 諾諾在車上選上了今日排行榜:

1. 豪無疑問係王子根(原因:抱佢睡,抱佢睇巡遊,煙花)
2. 姑姐(我問佢點解我會排了第二, 佢叫我忍耐下啦, 因為聖誕節係王子第一, 平日會變番我)
3. 紅衫岑 (我相信係拖得佢最多)
4. 細心卻被認為沒表情的嘉雲 (我相信係換衫同"BIN")
5. 曲髮莉(排得最尾, 應該係"侄"得佢最多0個個)

禮物

雖然說是金融海嘯, 全城依然有濃濃的聖誕氣氛, 放工閒逛, 選購聖誕禮物, 真的最佳精選, 大家睇下無聊野, 說說笑笑又一個開心的晚上, 貨架上放上各式各樣得意實用無聊可愛樣衰的東西都有, 突然好有Love Actually 的感覺...商店裡個個都愛心爆炸, 爭相為親朋好友親挑禮品, 可否就此停留在這温暖的氣氛裡渡過每一天呢!

Love actually is all around

Love Actually & The Holiday

接近聖誕節, 又要開始為假期作好準備, 我打算在這個假期重温兩套戲, 基本上係每年都要重温的"真的戀愛了", 每年我都會預留給這套戲, 重温一次, 每次都好期待聖誕節又可以重温, 點解近幾年無了這類電影呢?
另外一套就係"緣份精華遊", 又係聖誕節必睇的, 睇完都會好開心, 嘩! 正! 我已把vcd拿到枱頭, 每日倒數.


有睇過的, 一定記得這個場景啦 (All I want for X'mas)

無人完美

畢打自己人的片尾曲係欣宜唱的, 她唱歌其實好聽喎, 雖然很多人依然唔太喜歡佢, 但也有好多人包容了佢, 我自己都支持, 佢跳呢首歌, 有些步法真係令我想起秋官的"笑看風雲", 但當年我都好喜歡睇呢首歌的舞

現場好聽!都好有台型.



(甜言蜜語主題曲-直覺)(都好好聽)

菲同凡響

能夠親眼目擊她的英姿, 我真的心滿意足了! 下屆奧運唔知仲有無機會欣賞到你的程菲跳呢!

相似

兩個相同的人
有什麼相同?
難道還要道明嗎? 你沒看到的是她們同樣戴著黑色的膠錶, 她們說是另一個階段的開始.

策略

電台主持森美講了一個幾啱的道理, 佢話依家消費好似打仗咁, 即係話你去買野, 但係都要精明唔好俾人呃, 講開去超級市場買野, 我之前都試過, 一袋四支裝飲品21元,但獨立一支買係5元, 佢地放係唔同既位, 一般慨念緊係一袋裝會抵D, 正所謂買得越多應該越平, 呢個觀念應該係咁既, 原來依家唔係咁, 超市的奸招, 真係揾D消費者笨, 放係唔同地方, 仲博埋你唔會咁0岩經過同特登去睇一件的價錢, 另一主持人原來都有呢個經歷, 佢話一件5.5元, 兩件13, 佢隔離的C奶仲要嗌"抵呀"(指的是買兩件)...

森美說: 越係必需品越會放係超市的最深同最角落處, 好似油呀, 厠紙...並且必定標明你要的東西在那, 保證你找到, 你要找這些東西必須經過好多不是必需品, 讓你可以在這過程中, 可能買到一D你本身無諗住買的東西, 策略係要你逗留係超市長D時間, 這樣你會有機會消費多D, 明明上去買一兩樣野, 結果大包二包番出來

又好似有些商場, 特登安排D電梯四圍飛, 唔會俾你一次過上晒落晒, 就係要你行多幾間鋪, 所以消費者唔想洗無謂錢就要清楚方向, 但有幾多個把持得住呢?

由細陪你大

小朋友的時候, 很多人都會有公仔陪住訓, 有Ｄ會摸住枕頭角訓, 陪住自己先訓得著, 幫佢地改名都事少,　最勁係可以保持到現在,　大個人都仲有成堆灰晒或甩頭甩計的公仔伴在床邊,　望住佢地,　就好似打開你的歷史書咁,因為佢地由細陪到你大,　你有咩心事可能都會同佢講,　無錯,　佢地一早已被你付予生命,　只有你先可以同佢地溝通,　有人襲擊起他們,　都會併了老命同佢死過,　有時真係驚訝點解物件十幾廿年都仲可以不變,　反而自己就已經有了很大的改變,　最起碼身高已經同佢地爭好遠了。

笑到你LAI C

絕不能錯過的泰文顏色搞笑教學: (君如,森美,TONY JAA)

完Show

終於長征完, 說很辛苦又說不上, 最慘係好似成個月都無放假的感覺, 呢個反而最慘, 正常生活終於係十一月回復正常, 今次認識了一班好玩得的Temp Staff,　個個都講得笑得,　總算係工作中可以自找快樂,　一齊共渡十幾日的工作,終於要告一段落,　希望可以下年的四月再一齊工作

西藏明信片

旅行家祖潘在西藏的第十六天寄來了明信片, 你一切安好嗎? 有無沖涼呀? 藍天白雲爽呀.

經典廣告

好懷念的"一於響應, 清潔香港"廣告, 有幾多個明星你識呀?

市政局? 你記得嗎?

最喜歡這個煤氣廣告, 李克勤主唱的呀

一早應該揾番呢條片叫大家登記做選民啦, 劉華問你"你登記0左未呀?", 未? 拿拿聲登記啦.

博覽館工作地方

今日相機終於大派用場, 睇下我的靚女同事! 我常常稱讚我左手面的靚同事, 很優雅呵!

與我工作的TEMP STAFF, 都非常落力

晚上的機鐡

沒人坐的機鐡是什麼意思? 代表我們是最遲走的一批, 都沒人了.
駱駝擺佔一位, 不過份吧!反正沒人.
不用太開心, 現在是回家的時間, 不是出發去旅行喎
疲累的雙腿
莎樂美很像廸史尼裡的卡通人物一角的名字, 他的樣子有點像高志森呢.

我要長征

一張值一百的話, 我有千五係手, 晒你冷
坐機鐡是Professional 的表現, 你不記得嗎?
很可愛的小駱駝

值得回味

哈囉喂

全城哈囉喂, 好訐如潮, 今年終於有份參與其中啦!!!


有同事萍一早為我打晒底, 話厲鬼邨超驚, 真係最驚係呢度的熄燈0個PART, 我以為自己真的會死, 感覺尤似廸史尼的飛越太空山一樣 (後面的佈境真的很像屋邨呢)


周街都係鬼, 隨時隨地SHU一隻過來...但我發現我們的朋友之中下年也可以來試試做PART TIME的, 以下兩位都是入選名單之一.

(候選人K: 真係有人誤會佢係鬼)
(候選人G: 佢自己都話想黎試下)

你地會投票俾邊個呢? 大家來選選吧!



玩了幾個小時, 個人都散晒...全程最舒服的是坐吊車0個時, 又涼又可以抖下...

為了找尋傳說中的豉油皇雞脾, 我地走到了兒童王國, 沒有人的迴旋木馬, 我地仲坐了兩轉都未肯走, 還跟工作人員說我地叫停先好停, 工作人員都順應意思, 皆因得我地班人咋...


大合照啦

I was dreaming about you

這種氣味令我回想起去泰國的日子, 因為我在那時是用這香水版, 現在我每天都可以回憶
正如歌曲一樣, 每個時候都會興聽不同的歌, 當日後再回味時, 一定能想起當時的感覺
氣味和歌曲的確為我捉緊了回憶, 回憶原來看似無形卻是有形的

方東昇

疑似太空人方東昇的報導: 讚!!! 原來係係不知不覺中, 佢已經建立了一個鮮明的形象, 就係鐘意搞對聯, D GAG位仲好好笑!

有幾幽默, 去片睇下啦!







黃大鈞的表情, 也是一絕的!

海鮮價

今日又打風, 唔係話唔好, 站係一個打工仔立場黎講, 緊係有多半日得半日, 但係如果你係要四點幾黎通知話要掛八號, 真係唔係幾好, 其實爭兩個小時就放工, 我寧願佢咪鬼掛, 一話掛, 就要即走, 條街人又多, 車又塞, 全世界一齊放工, 你都咪話唔恐佈, 排咩隊都係打晒蛇餅, 我四點廿分放, 六點幾先番到家, 真係唔好掛好過啦, 最離譜係搭小巴番屋企0個程, 平時十一元, 一路見D車埋站, 由十一, 十三, 十五, 廿元, 係咁改個價錢都夠膽, 海鮮價到咁樣, 我都仲未上到車, 最後我0個架係十五, 咁我相信廿元0個架最後應該調低番的, 但我睇唔到, 因為我排太後, 但係就聽到前面一陣鼓譟, 其實我明白小巴司機係風球下仲要開工, 係有一定危險性的, 我地真係無得反抗, 你一係夠膽咪上車, 唔係就乖乖就範

很掛念

"我想聽著譚詠麟的舊歌,呼吸著舊日的氣味, 想著的還是曾經的往事"

"每次我覺得已倦疲, 每次我痛苦和生氣, 你對我說不可以跌了不起, 你我永遠不必說對不起, 誰為我天天鼓舞在一起"

今晚突然想起以前係屋企的事: 五個人的事 (好掛住五個人的故事)

迎月食之旅

一連三日中秋假期, 終於可以一大班人一齊去個澳門遊, 泰根,泰莉,泰林,泰美,祖明,茹明, 點解加個"明"字係"C"組到, 因為佢地好似明星咁, 一出場就會架著超, 不知死的我在船上膽敢問祖明"乜今日好曬咩?",卻換來"關你乜事"的冷冷回覆...

茹明大頭新登場

想睇祖明大頭新登場, 歡迎登錄泰斤深情blog


一落船,緊係去醫肚先, 一早聲明要係澳門食個靚早餐, 由FOOD PROJECT MANAGER泰根為我們尋找及安排是次吃吃行程, 去到後我才發現原來我曾來過, 不過當時我只係隨便入一間, 竟然係好出名的...黎澳門緊係食豬扒包啦, 真係好味喎!!!我地的MANAGER係我地食完包後, 發現了蛋撻新鮮出爐, 無理由會錯過...

跟住緊係要去大三巴行下啦, 每次黎都要去拍照留念

好快又到食的了, 我地今次呢個行程, 主要係由"食"帶領住的, 去到邊到食, 就去邊頭行...相當特別, 不以風景為做賣點, 係以食為先

係媽閣廟附近的媽閣燒烤, 聽說評語很好的, 而且還要預先訂坐...

如果去澳門又唔去賭場好似又無黎過咁,勇闖出戰的有泰斤同泰林, 兩人三轉賭場後, 終於係打成平手, 大團圓結局, 原來MGM賭場中間的花園咁靚0架



有人仲許願 (唔知係咪許願餐餐有"淡"好食呢?)

校園味極濃的一張相

祖明係度俾人寫生呀

漫畫版的祖明登場


威尼斯人

個假天花幾靚

尼羅河


晚餐係新船屋, 大家大吃一餐...賞個靚月就走了

小祿上棒棒

自從由泰國番黎後, 我發現突然失落了好多, 八月八日北京奧運起, 每日放工, 就好似約了人一樣, 衝番屋企睇電視, 無論咩運動都睇, 以前覺得舉重唔好睇, 依家都覺得超緊張, 可能係自己人搞既關係, 對乜野都特別支持, 我落機那晚, 奧運會閉幕, 跟我的旅程同樣於這一天結束, 唔單止咁, 連棒棒堂都換埋新底迪, 發生咩事, 個世界唔同晒, 無了日日走番屋企睇電視的狀況, 連平日十一點的棒棒堂都全部換晒人, 真係有一下子接受唔到, 畢竟我最喜歡看的人沒有了, 又要重新認識過一班.

昨天係新一輯棒棒堂以來, 最開心的一集, 因為, 小祿做嘉賓, 還有份評分歌唱部份



聽聽!

泰後遺症

自從由泰國番黎後, 久久都未能平伏好心情, 個心依然好似未飛番黎咁, 尤其每到食飯時間, 總是快快地在十分鐘內完成, 食欲有點不穩定, 因為太掛住泰國的美食, 硬係食乜都無0個邊咁好食, 我又出唔起錢去食high野呢, 所以搞成咁! 同朋友傾開電話, 大家都有同感, 聽聞泰斤還發阿媽脾四, 因為d餸難食咁話喎!!! 後遺症不知要維持幾耐, 我要為下一次起程有所期待才對, 積極面對番香港的飯餸, 真係有d對唔住香港, 我其實都好愛香港的, 俾d時間我吧!!!

講開泰國(根本都未停過講泰國), 我要多謝一個人, 我曾親口跟她說了一聲謝謝, 但我還是要在這裡公開的跟這位朋友說聲謝, 她便是有份同遊的泰斤, 由於我地出發是星期四, 星期五香港便打起風來, 如果我地遲一日出發, 分分鐘飛唔到, 還有, 當我們回來後, 那邊就發生政變了, 本來我們是在八月尾飛的, 就是踏正政變的這週, 我們會把行程提早一星期, 都是因為要遷就泰斤的schedule, 泰斤一向是個好彩妹, 所以今次都是因為她, 我們才會又避風球, 又避過了政變, "泰斤, 我像上了你身, 感受到你的好彩人生, 原來是如此精彩的, 多謝你"

泰尾

踏入第四天的早上, 我五點幾已經醒了, 所以我一個人係度聽mp3, 今日就要走, 好似才剛到步, 在床上諗番呢幾日的行程, 太快了吧! 四日真係太快, 完全無一種去了異地的感覺, 感覺呢度就好似自己家一樣!!! 我無乜諗起香港既野, 全程投入!


好快我地就要上機, 周圍再行下後, 我地去了食馳名的海南雞飯
超多香港人幫襯呀!!! 不過真係好味, 係個地方熱了點!!!


無論幾時都人頭湧湧喎!


睇下泰國的士, 有好多唔同顏色0架, 睇到都好開心!!!












我地最後一站係去了食出名又平的土司, 有好多唔同汁選擇, 由於唔俾影相0架所以無相為證, d汁有好多唔同顏色, 又綠又白又啡既都有, 為食泰根, 話太正啦, 要帶番香港!!!於是買了兩盒取走!

泰國的機場同香港的都有幾分相似, 睇下我地幾多野!


入了機場後, 我地又再坐低食下野, 諗住再回味Mango Tree, 點知機場同外面的分別好大, 又貴又無選擇, 諗住豪點兩碟生蝦的夢要等下一次了!!!

入閘啦!!!在我前面的泰根的袋出了事, 我睇住個電腦掃瞄到佢的袋有達橙色野閃閃下, 海關人員大為緊張, 立即搜查她的袋, 是那兩瓶土司醬出事了, 唔帶得上機0架!!! 海關人員問她是什麼, 她當然話食得啦, 個樣仲好可憐下, 根據泰斤敍述, 原本那人想俾佢過關, 但到後來都係再請示上級, 上級say no, 泰斤三年夢碎, 唯有忍痛離開, 再離開前的一刻, 佢還跟海關人員說, 那土司醬俾佢食, delicious咁話喎! 阿根除後係咁狂駡"最衰都係911, 呢D咪係後遺症LOR", 直到上機後依然碎碎念


咩畫面, 唔駛講啦, 機槍, 這個電視直播起飛及降落既畫面, 攞景定贈慶呀, 仲要我睇住飛走的情景

為什麼?偏偏是這首歌!!! "零藉口", 無得留低!

I WILL BE BACK AGAIN!!!