七星酒店

去杜拜, 如果連杋船酒店都見唔到一面, 真係枉去...由於時間關係, 只能夜訪酒店, 第一眼見到時都好震憾, 真係心裡面要哼起劉華的"你震撼我的心靈"- 你是個巨人...

雖然好黑, 但算叫做影得到....親身影到, 都幾開心, 始終佢係一間世界知名的七星期酒店, 原來呢間酒店原本只係諗住起係海邊沿岸, 但係猶長好有諗頭同遠見, 話要起一個人工島, 再起係上面, 嘩..真係幾威呀! 想唔世界知名都難啦.

Dubai (建築物篇)

這支外形成支火箭咁款的, 將會是全世界最高的建築物, 還在興建中, 超犀利...聽說又是商廈又是住宅(都唔知住咁高仲乜鬼)

每一棟都係有D騎呢

Dubai Day 1

第一次的工幹之旅, 都係帶著緊張及擔心的心情出發, 因為生怕有一些意料之事, 到時都唔知去邊度求救, 因為老細放假, 都係揾唔到佢, 同事又遠水不能救近火的叮囑我, 戰戰兢兢出發吧!

乘搭國泰的最後一班機(朋友2聽到後話, 最後一班機唔係俾人搭0架喎,想嚇我), 由於飛杜拜的機只有飛零晨和下午, 當地比香港慢四小時, 我的同事們都提議坐零晨機, 因為可以一上機就訓, 應該無咁辛苦,人生有幾多個好彩, 今次又係其中一次, 又或者係剛剛遇著個啱啱好友莉的生日, "痴"到少少好彩, 由Economy Upgrade Business Class.

個位係超濶呀,雙腳伸直都無任何問題, 我同同事都係要分開坐, 無關係啦, 還店都係訓,坐我隔離的是一個很大件的鬼佬, 我用了好有限的英文同佢交談了幾句, 佢同我講原來佢係最後一個上機的,所以跑到好熱,我話班機如果Delay就係因為你,原來佢去杜拜開會,佢係打欖球的,即RUBY 70個D,好勁呀,我無同佢講太多,費事露出英文唔好的馬腳, 一上機都未坐定,就有空姐問你要唔要水,真係服務周到, 為了保障自己健康, 我一上機已帶上Mask,保護自己,不容有失.

最令人興奮的莫過於空姐派旅行包包,有牙刷,梳,牙膏...仲要係b仔出品,我不能在機上表露得太開心,以免失禮,但這是旅程最開心的.
我起初好擔心都唔知點度過八小時, 除了訓之外, 我真係唔知可以做乜, 我又怕唔夠精神, 所以都迫自己訓, 佢地好快就熄燈了, 好彩個位濶, 真係叫訓到, 雖然不時醒下醒下, ,機上的冷氣超凍,我要蓋兩張被才覺好D,最後坐了七個多小時順利到達杜拜這個有錢有到駛唔完的國家.

拿好行李便拿拿聲去買電話卡,都唔平,HK180左右才得30分鐘, 打番黎HK成5元一分鐘, 撞到另外兩個大陸的同事, 於是一起搭酒店的免費接駁巴士回酒店,回到酒店都只不過係當地早上的六點幾,我同事好訓得, 於是佢決定訓到十點到十一點, 我當然係無得訓啦, 我都唔眼訓, 於是咪睇下電視, 睇下書咁過.

十二點到我地落場館視察, 乜都未整好, 總知就唔可以開工住啦, 起碼都要明早才可以再過來睇場, 唯有去食野同埋行下啦, 我地在場館食了PIZZA, 之後諗住去Shopping Mall行下, 酒店職員介紹去衝沙的, 即係係沙漠飛馳0個隻, 我同同事都下不到決心, 出面熱到咁, 我驚第一日玩到盡暈倒病埋, 點算呀? 最後無去到, 決定去行下Shopping Mall算數.

我地搭酒店Shuttle Bus去,杜拜以前係沙漠, 能夠係十幾年內發展到咁, 真係超勁, 除了商廈外, 其他建築物都係同一個顏色的, 係泥沙色, 連的士都係, 應該係因為佢地係沙漠, 所以以這個顏色做為佢地的標記, 另外佢地的商廈都好特別, 座座都怪怪地, 最喜歡係頂部無啦啦有支好似雷針咁樣, 街上人都唔多個, 天氣真係太熱啦, 一落車,真係熱到你係全身都好似被火圍咁, 好似撒亞人變身後成個人有道光圍住咁, 我就係完全係咁既感覺, 呢個Shopping Mall-Mercato 真係唔多店, 無乜野行,









我同同事很快就想走, 但係接駁巴士要好耐才有車, 點呢? 焗住留係到, 於是考慮良久, 決定唯一解決方法係坐的士回酒店, 再坐另一巴士去第二度行過, 只不過等了一陣間的士就好似著火一樣, 怪不得街上人都唔多個啦, 條條都好似公路咁, 又直又濶, 人煙罕見, 回到酒店後, 我地決定休息下, 睇好時間表向另一個地方出發, 點知落到去等時, 酒店人員才告知車已走, 下? 都未夠鐘, 搞咩呀? 我同同事都超火, 咁辛苦度啱個時間, 竟然走車, 回香港的念頭即刻上升, 來到都未夠24小時, 已經想番香港, 我們收拾心情, 唯有等下一架去第二度的車, 終於成功去到Dubai Mall, 這是全球最大的商場, 根據資料顯示, 有五十個標準足球場咁大, 裡面仲有一個幾層高的水旅館呀...超勁! 仲可以俾錢入去同佢地暢泳一番, 如果唔怕死的話, 因為據聞有沙魚的.



我們在這個商場的FOOD COURT食埋野就結束了. 原來中東人好喜歡吃KFC的, 因為我見枱枱都係桶餐呀, 杜拜係星期五同六休息的, 星期日開工, 跟我們有點不同, 我到達的一天是他們的Happy Friday, 所以越夜越多人, 一家大小都通通出動, 小朋友非常係異常的活躍, 都明既, 日頭又熱到死, 都無得玩, 依家夜晚仲唔番夠本咩...其實呢個商場真係乜都有, 所有名店都有, 好似係香港行緊咁, 佐丹佬, BODY SHOP, H&M, ZARA...乜都有呀, 不過真係好大, 行極都行唔完, 係無可能行得晒...

番黎啦FINALLY

成日都話香港是我家, 未出發已經掛住香港, 回到家, 簡直有說不出的開心, 始終都係香港好, 就算別國幾有米都係咁話啦...總結今次個TRIP, 都係一個NICE NICE地既TRIP黎既,　詳情再講。

準備出發的心情

得番幾個鐘, 未出發已經掛住香港, 唔知呢個星期會發生咩事呢? 我會好好記錄在我的筆記上, 也會盡量影多D相番黎, 同大家分享我第一次的杜拜之旅, 心情好緊張, 緊張訓唔到, 緊張做唔店, 緊張食唔慣, 為了我下一個更緊要的旅程, 我要保持心境開朗, 唔好緊張, 同唔可以有壓力呢.

我已經買定了一些零食, 小食, 希望唔駛早早晚晚食PIZZA.

今日是KALLY的生日, 生日快樂!!!

我的美金

人生第一次擁有美金, 感覺好唔實在, 得0個幾張...

還有一星期

下星期的今天的呢個時候, 我可能已去緊機場, 或者已經到了機場, 然後...準備我人生的第一次工幹, 第一次的杜拜之旅, 第一次坐八個小時的長途機...係咪呢個時候要唱一次夜遊杜拜...