這個小鬼真難教

已經有一段時間沒有同麻煩友諾諾講過電話...星期日早上接到佢的電話...

節錄了其中一小撮的對話:

我:喂, 係啦, 你測完驗, 考成點呀? 有邊科唔合格呀?
諾:...無一科合格...
我:下....唔係嘛...無科合格.??
諾:係呀..有一科合格...係默書...默了七次, 第七次合格..
我:(嚇死了)搞咩呀???
諾:.....

(最後結論係:數學合格, 同默書合格~~~完全無温書...

番來了...

經過接近一個月的調識, 我開始番來了....即係話我的精神, 心靈都開始番到黎香港了, 大家可能話駛唔駛咁誇呀, 去一次0個度就搞成咁...我都解釋唔到, 總知呢一個月, 身心軀疲係事實, 連同事朋友都話我臉上掛灰, 精神不振, 我自己可嘗感受唔到呢?

可能佳節將近啦, 又會有一個幾長的假期俾我抖下HEA下, 真係好唔同的心情...期待係一件最窩心的事情...

上星期日, 剛去完同事萍的飲宴, 好想係度再祝賀下佢, 希望佢新婚快樂, 幸幸福福啦!我知佢男友都會上來睇下我個BLOG的, 阿鴻, 記得對佢好D啦....仲有我想讚下0個日的婚宴, D造型好靚好得, 最喜歡係紫色0個件同個頭, 可惜影唔到相呀....成個RUN DOWN...好滿意呀....而且感受到你地好俾心機搞呀...
總知: 放下壓力, 盡情HAPPY啦....

番多三日....就可以放個誇年假了.....嘩....期待到爆呀....

阿達上報

阿達你竟然出現了在海報上, 還有兩幅相呀....

你點擊下圖, 可放大來看看.

回鄉小休

選擇呢個時候回鄉探親, 真的為我差了一點電回來, 回到鄉下, 放下了香港的緊張生活與煩惱, 就輕鬆的去享受幾天寧靜的生活...雖然生活好簡單, 都是去這家坐下, 那家坐下, 聽著不太聽得明的潮州話, 明D唔明D, 但那些大家見到面的開心與親情, 都已經好滿足了...有時比較下大家的生活, 鄉下生活簡單, 也不是這樣過得好好的, 大家都是開開心心...雖然這都是我第三定四次回鄉, 但我都是很喜歡那種温暖的感覺...閒閒聊聊, 完全忘記了本來的煩憂...

前陣子當堂嫂因病突然不在了, 留下的是六個小孩了, 這個家庭突然完全不同了, 沒有了以前的歡樂的場面, 看見他們的爸爸由以前的開心果變得不再笑了, 那種痛心, 真的沒辦法想像, 孩子們的堅強, 他們的懂事, 都令我看得不禁又愛又痛, 一個晚上可以改變的事太多了, 衷心祝福他們全家人可以再一次快快樂樂繼續生活, 因為今次我是住在他們那層的, 他們對我都超好, 又說要煮什麼給我吃, 知我愛吃豆漿油條, 便一早起來煲, 又車我一起去買油條, 還"鄧"了雞湯我飲.

想想, 就會知道身邊的事物真的不由得你說要留就可以留, 其中一位堂哥的家就掛著這副值得反省的對聯,"事到知足心常樂,人到無求品自高", 令我今次的旅程增添了要學習這高深學問...

???

最近總是覺得生活很緊張, 不論是工作, 還是私人時間, 應該如何去放鬆自己, 放下緊張情緒: ???

我期待月尾的悠長假期; 要讓心身都得到喘息 (印度的後遺症還未遠離我)

睡一覺(最好是沒有發夢的)

聽一首歌(XMAS SONG)

看一套戲(最好是LOVE ACTUALLY了)

行街(最好滿載而歸)

飲一杯好正的熱0茶

去旅行(泰正了)

笑一餐(可能要把痛苦建築係別人身上? 我都唔想)

踏單車 (可能性不大..因為好冷)

睇棒棒堂

POSTCARD

放了工...打開信箱....
發現了....污JOJO的POSTCARD, 有咩比起收到呢張POSTCARD更温暖...

多謝污JOJO的POSTCARD...

生活

有一些事情, 可能沒有親眼目睹, 不會如此深刻, 不會印象難忘, 不會懂得反思, 今次這趟工幹, 最深刻難忘的, 當然非一個"窮"字莫屬.

印度這個地方富貴窮困極端得可怖, 我每天的公司巴士都會經過一些貧民地方, 你會看到一座一座的垃圾山, 都住滿了人, 很多人的家甚至是一條街的某一個角落, 滿街堆滿了不知多少個家庭, 見到他們用一些如坑"距"水一樣的水來洗碗, 灰得可怕, 我會慶幸自己住在一個安全舒服的地方是有多麼的幸福, 由於孟買的交通濟塞非常嚴重, 當車子停在馬路上, 多少個孩童光著腳板衝上馬路拍打著車子, 乞錢乞食...每日過著乞討的生活...我望著這堆孩童大人, 到底他們有沒有開心過, 是快樂的嗎? 明白快樂是什麼嗎? 我望著當地的天空, 大家都看著同一個月亮, 只要一個比較, 我們根本沒話可說了...我很明白比較是殘忍得很, 可是沒有透過比較, 自己的眼界不可以放得更遠, 珍惜你們所擁有的人與事, 應該說你能夠珍惜, 已經快樂無比...

印度之旅2009

今次的印度之旅, 雖然哀嘆之聲居多, 但是在從中所感受的卻是從來未有如此深刻過...

2009.11.17坐上六個多小時, 來到同一個天空卻是另一個國度的印度, 我們所住的酒店是五星級的, 這是必須的, 因為人生安全要緊, 住好D, 安全D...我們的酒店就在機場附近, 車程不需五分鐘, 可是還是出現塞車的情況, 這裡的塞車的情況, 可謂相當普遍, 由朝到晚, 邊到都可以塞到你暈...由於之前訂不到機票, 所以比原定提早了一日到達, 第二天沒事幹的我和同事G, 便跟大隊遊歷一番, 其實最主是是銷售部門要去當地了解市場, 不過當中都不乏一些出名的景點...



Gateway of India




2008恐怖襲擊酒店

2009.11.7 Momoko & Nicolas Weddings

2009.11.7

參加西式婚宴都是第一次, 原來感覺係浪漫好多, 而且仲好WARM的, 成個環境呀, 燈光呀都好凝造到個氣氛的, 今次主角係我最FRIEND的表姐, 佢的HONEY係一個西班牙人, 佢識講國語, 見過幾次面, 甚得我家的親友們歡迎, 因為佢親切的外表及完全唔流利的廣東話, 都逗得大家好開心, 同咁多外國人一齊食飯都係第一次, 因為男家的親朋好友大部份都係西人啦, 一早去到場地準備的我和表弟妹及舅父, 發現場地好鬼得, 所以都把握時機影呀影, 而舅父係負責寫NAME CARD的, 座位已一早精心編排好, 以我地位, 我當然係坐係叫做主家席的位置啦, 當然如果佢硬係要編我去同D鬼坐, 我都無計, 最多搞串PARTY啫...我同表妹晴的任務係坐係外面做迎賓, 直到開席...

祝酒, 同切CAKE, 一齊高舉酒杯祝賀一對新人...感動又開心啦...Cheers...

厨神一席話

我也想寫寫厨神:

有一天, 正在買餸的我跟厨神談電話:

我: 我諗住要鑽研一下厨藝 (因為成日都買外買的我們, 實在味精快上身了, 而且對身體也不太好), 今晚食乜好呢? 俾D意見啦...

厨神: 艾, 你呀...點煮你都係屬於難食0個派0架啦...

我: 你又係煮得最好食啦....

雖被厨神狠狠批評, 仍然是照煮可也...反正她的境界我是遙不可及...

另一天, 跟友人K講起這打激, 友人K也被受攻擊, 話同佢講煮食簡直係對牛彈琴...

厨神更曾批評過剛已婚的陳太太, 只是煮番熱她媽媽的餸來招呼我們, 又說吃了她親手下厨的東西後肚痛之類...

厨神莫太HUGE張...我相信總有進步的一天...

生病+二軍

今天沒有上班, 生病了, 是前天給巴士的強大冷氣吹了十五分鐘...結果導致昨天要休下午, 今天都上不到班, 偷來的休息日, 令我好多了, 平時唔會訓午覺的我, 也被藥物的威力撃下了, 有點像昏迷一樣, 連夢都發少了, 雖然還未好好的康復過來, 個人好似得個殼咁...

知道同事碧要去台灣, 托了她幫我買一隻我在香港買不到的CD, 她真的幫我買了回來, 萬分感謝...結果她不收我分文, 送給我...真的太感動了...沒錯, 又是棒棒堂...幾時到我可以去台灣呢...我都好想去...

眉來眼去

相信沒有人未聽過呢首歌, 因為只要看過此戲的, 都一定知道...

他教人百般思念...每次聽還是令人的心有痛心的感覺..

我的近況

終於忙完兩個禮拜的機場工作，總算順利渡過，總算可以鬆一口氣啦。那些日子，連發夢都是在工作中，不是我愛工作愛到瘋癲，只是我控制不到夢境，老是不讓我休息一下。可能要去旅行先可以得到充份的休息。。。

最近經濟結据, 因為即將會有多餐飲宴, 實在令人吃不消, 雖然結婚是值得可喜可賀之事, 但如果你連續幾個月都有的時候, 仲要平均一個月多過一餐的話, 你會明白我的感受同埋同情, 人情真係俾到手軟...

係我經濟出現赤字的情況下, 偏偏日用品就要用完, 偏偏讚膚品就用到一滴都無, 又要向我見紅的銀包再度展開殺戮, 作為售貨員當然希望係你身上獲取更多佣金為上, 作為消費者當係係希望能獲得更多贈品為頭, 大家各有所需, 在你情我願, 牛唔飲水唔"禁"得牛頭低的情況下, 大家步出戰場, 來一番惡鬥...

"你加多少少錢, 只係爭廿元, 你就可以攞走呢SET野..裡面有XXXX, XXXX"
"我真係無野要再買呢!而且呢SET野, 我有D野唔喜歡用的"
"但係真係爭廿元咋喎..你XXX用得快唔快呀, 不如買多支啦"
"我用得好慢的"
"有幾慢呀, 幾多個月?"
"總之好慢啦, 我無計過"
"真係唔再選多樣呀?"
"真係唔啦"

最後, 消費者勝利, 為銀包貼了一塊膠布止住滴淌的血...

印.度.

下個月既今日, 我已經身在印度, 無錯! 我又要飛了, 都是工事啦...都無諗過去印度旅行, 以前未睇一百萬零一夜之前唔會諗, 依家睇埋更加無諗過去, 一諗起連"水"都會有危險時, 我已經唔知有咩係會無可能, 聽同事講, 佢地第二日已經拉肚子, 令前幾天才剛拉肚子的我嚇一嚇啦...雖然預防針已經打了, 但醫生話都唔係百分百, 最多都係七八成, 最重要係自己小心食物, 同埋衣著方面, 我諗我要自己帶D水去, 又要帶多D糧食去...我一諗起要坐成六個小時, 我就頭痛了...十一月又係一個忙的月份, 要去兩次'HUM', 又要去印度...希望順利啦...

這個黃金週

這個黃金周, 真係無得休呀...十月二日是艾美的婚禮, 十月一還繼續衝刺去買野, 十月三日回家做節, 十月四日去了睇明星...

婚禮花邊消息:
1. "偷步的結果" ~ 為了唔好令主人家丟臉, 大家都希望可以著得好D, 所以都努力選購衣服, 阿根之前約我一起選購, 竟偷步(我不在場)買下了, 最後被ADVISER鍾記大力BAN了, 而必須重新選購, 所以話下次咪偷步, 結果咪買個套囉!!! 以後大家聽到"偷步"都有幾分驚驚地, 連我自己都係...

2. "360@590" ~ 呢PART可能係自己人先有更深體會, 友人X 因為想以更完美姿態示人, 所以特別以360+590 來打造自己, 結果都算成功, 成功吸引了我們時時都睇實佢, 算係吸引了我們的目光

3."失而復得的花球" ~ 話說在註冊處, 儀式開始後才發現花球不見了, 伴娘差點嚇到標尿, 幸好攝影師最後尋回, 從此以後, 花球變得俾自己更重要...

4. "炒飯成碟上" ~ 豪哥竟然不昔好歹的將大家吃剩的炒飯成碟拿回自己的位吃, 完全失去儀態, 被評為不雅行為...

5. "豪男鍾女大談邊緣笑話" ~ 豪哥不知誰是"OR 2 SAN"? 鍾記大叫無可能...總之就笑話連連啦...

總括來說, 過了一個快樂的晚上...整天都充滿甜甜蜜蜜...祝艾美一世都咁幸福快樂...


這星期還看了林峯演唱會DVD ~ 睇完後第一個感覺係, "後悔無去睇啦", 真係不得了, 有型啦, 又唱得幾好聽呀...佢仲唱了我最喜歡最喜歡的一首歌, 係佢第一首歌, 聽下, 大家唔知識唔識, 叫記得忘記...

TVB真係識貨啦, 拍戲之餘, 仲俾埋佢唱歌, 真係有得紅, 我意思係可以更紅...佢入行都成十年了, 雖然唱歌只係兩年幾, 但係, 唔係講笑..佢出親碟都斷貨的, 可能出得少掛, 定係佢真係FANS多呀??? 我偏信後者呀...起碼在我身邊都無話唔喜歡佢的...




仲有佢同LAUGHING的一段又係好正...係一個高潮喎..

幸福生活

爸爸做了個小手術, 好在都順順利利, 這些事件都會令我經常出現反思, 人大了, 面對的越多, 我越拍, 想平凡D, 簡單D, 原來做小朋友真係好好, 咩都唔駛諗, 唔駛驚, 因為身邊一切都係你身邊, 當時你係唔會知道幸福係咩滋味,依家望番轉頭, 我就知了, 你會認為所有野都係"老鳯", "實係咁0架啦", "唔會唔係咁0架喎"...相當的順理成章, 但係當自己長大了, 先發現你擁有多了, 也會同時失去一D, 永遠都會係一個天秤, 你唔會永遠"立"多D野, 而係你係"立"多D野的同時, 一定會"失一D野", 點樣去捉緊當中的平衡, 可以話係無方法, 你最多只會控制到"擁有"的一方, "失去"的主導權永遠唔會係你, 我成日都會問自己乜野先係幸福的生活, 依家夠唔夠, 係咪要有錢D先叫幸福開心, 原來我的幸福生活是: 身邊的人健康快樂, 我就會覺得好幸福, 無野會永恆不變的, 能夠好好捉緊依家的生活, 對我來說已經好幸福...好重要...

希望爸爸早日好番啦...又同我講講笑笑...

Lam 9

"打劫"之由來

祖潘, 等我話你知啦, "打劫"呢個名係鍾記本人自己改的, 佢話好似打劫車喎, 仲有佢話呢款車通常都係俾人爆破0個D, 即係你睇戲, 好多時候架私家車出事, 反車, 再爆炸, 就係用佢呢款車的, 完全係係呢個時候派上用場, ,所以佢的別名又叫"爆破", 而且佢車的玻璃門被人刮上"X街"(請自行演釋個"X"字, 我費事打出黎)..係咪好正呢...

第一次見提子

今日係我第一次見提子...提子媽今日駕車出舊基地九龍東...由我同師傅豪一併跟車...



過程中遇上惡死的士司機怒做粗口手摰俾提子媽, 師傅豪大駡"P牌黎0架人地", 提子媽驚雲未定"晒林"補獲, 乘客阿美禁住半身向前的師傅豪, 嚇得花容失色, 提子媽由於對九龍東已到達陌生境界加上不熟習路面, 轉彎後CUT錯了人地條線而發生以上事件...不過大致上都無問題...比起"打劫"(另一好友鍾記的車), 比較穏定, 未有做轉做賽車手的路向, 而"打劫"主人話好可能會在不久以後賣走打劫而找一部較接近地面的賽車, 聽到都厲害, 未買到已FEEL到0個種危險感覺...

由於回不到家食飯了, 便在青衣城落腳...巧遇博士一家人..

我就喜歡

坐在這裡, 休閒的嘆杯橙汁, 我就喜歡



走進銅鑼灣鬧市, 給我遇上了ENCORE, 我就喜歡



有型吧! 我就喜歡

滔滔千里心

自從棒棒堂無得播後, 我的夜晚有失去重心的感覺, 唯有落力寄情於無記的劇集, 800同830較合我的口味, 柴九熱播後, 更愛看祥仔的戲, 好耐無拍TBB的黃子華, 又係好正, 什麼合理化煙幕, 令到我去食車仔面時都會諗下加唔加多3元要個餸, 結果卻加多6元要咖哩魷魚...

最近台灣風災, 真係好慘, 我打極電話都打唔到去電視節目的籌款晚會, 仲諗住華仔表演時, 可以支持下, 點知個50條線真係好難打, 我仲未捐到錢, 打既時候仲諗下出咩名係字幕到, 響唔響全朵, 定改番個藝名, 定係無名氏好呢, 唔駛啦, 都打唔通...首滔滔千里心, 真係好感人, 每次聽都起晒皮...

2009 同 1991 的版本...2009係大集滙, 1991係巨星版...

經典廣告又重温

笑一笑, 政府應該要拍番多D鼓勵香港人啦

呢個GAP GIFT真係好耐無睇啦

Kitty Lap

星期日去了Kitty Lap, 主題為基因Kitty

入場後拿著基因到處完成任務, 完成一個屬於自己的Kitty, 入場費都成舊水, 但係都幾值得, 因為都有野玩, 又有野買, 一D都唔失禮呀...





限量五千套



環保袋

散子包

關於日本的書

自從去完日本之後, 好似中了日毒一樣, 成日都掛住...連行書局都被有關日本的書吸引住, 好耐無買書的我, 在上兩個星期買了本"也加子@橫濱", 故事內容講述也加子嫁到日本後的生活, 在日本時, 我和友人都有討論過, 如果有個日本男話要娶你為妻, 要你放下香港所有野, 你得唔得? 友人根話OK, 最緊要養到佢...

書中都有好多關於日本的文化和小知識, 我自己覺得好好睇, 還推介了日本通雲買了此書, 我還介紹了好多友人睇佢的BLOG...

今日行書局, 又再一次見到一本叫"匠味日本5"的書, 又當場翻看, 又好吸引喎, 單看書後的簡介就夠晒搞笑吸引啦...
"全日本最難吃的拉麵店, 開業至今二十年, 生意滔滔"
"AV背後的辛酸, 原來不止女優, 還有導演"
"列車設立女性專用車廂反令非禮事件增加"

所以我又乖乖的到收銀部付錢...

日@SPECIAL

終於到了第五天, 其實打後的都是SHOPPING多, 於是我決定丟掉過去幾天的寫法, 倒不如寫一些有趣事情, 去SHOPPING, 指定動作緊係試衫, 日本人可止好禮貌, 值情係好口德到不得了:

"日文停不了" ` 無論你識唔識日文, 去到買衫的店舖, 佢都真係同你講一大堆日文, 明知你唔明, 依然十分熱烈的跟你說不停, 彷似說多一些, 我真的會明白一樣呢...

"我真的KAWAYI了" ~ 話說友根試衫, 每當試衫完畢, 拉開個簾出來時, 售貨員見到便會立即跳出側頭拍手叫KAWAYI呢, ...究竟係佢地好心地有口德定係真心, 有時真係分唔出, 當你自己都會FEEL到唔係太好睇時, 佢地依然以100分的熱誠為你整理好你的衫, 再講一連串日文, 我同根都會對望, 心裡及嘴裡都會爆出一句: 你係真唔係呀? (佢地都聽唔明0架啦,不妨直說)

"我的BABY呀" ~ 為了遮蓋住大PATPAT, 有時候我們都會選擇較長的衫, 衫一長, 自然較為寛濶, 自己又未去到MODEL FIGURE咁FIT, 著了出來總是濶濶大大, 如果加埋個小肚腩, 分分鐘好似有了BABY一樣, 友根就為我們試範了一次, 照例的, 友根試完衫出來, 衫是比較濶大的, 於是可愛的SALES會拿條BELL來給你襯一襯, 裝飾過後立即唔同D, 但係由於肚腩較平常人大了一點的原故, 總是怪怪的, 友根說, 好像有了BABY一樣, SALES在旁當然一頭冒水, 於是我們用著英文跟她說, 她卻誤會友根真的是有了BABY, 還給她一條BELL, 簡直是想謀殺BABY, 立即十萬火急的來幫忙解開及說對不起, 好似怕BB壓親似的(老實說,裡面全是屎才對, 哈哈, 不怕壓的), 我們知她誤會了後, 便立即再度解釋, 只是身形像, 並不是真的, 當SALES知道後, 她與我們一起笑到扒地...她笑了很久...我們也是...

"消失的垃圾桶" ~ 日本係一個愛乾淨的地方, 條街可以話無乜垃圾的, 好乾淨的, 乾淨到連"垃圾"桶都揾唔到一個, 真係方圓百里, 你想揾一個都難, 我一到懷疑佢地的詞彙裡有無"垃圾"呢兩個字呢?

第四部曲

來到第四天, 另一成員根即將會於今天的傍晚時份抵達, 我們已約好地點, 希望能順利接到她, 我與團長也不時擔心她能否成功抓緊時間登車, 會不會不知怎打電話給我們...這是一項好勁的挑戰, 一個人飛往東京呢...
為了能令到大家睡得舒服一點, 我們換了館, 去到車站的北面...一早我和團長已為了搬館出動了...跟住我們就去了築地吃我們的早點, 這個魚市場, 真有風味





來到日本第一餐的魚生飯

由於這裡是魚市場, 所以都沒有什麼豪華的裝修, 你當是街市就可以了, 但風味十足呢.



來到涉谷, 有我最最愛的縱橫交錯的馬路


離開涉谷, 回到池袋等候另一團員, 好彩我們終於在車站遇上了, 成功抵步的她終於跟我們重逄了, 我們笑說以後她也可以一人行動了...放下行李後, 馬上在池袋閒逛了一陣便去醫肚, 今晚食餐好的...

我們餓透了, 這款專為女性而設的輕巧餐,對我們來說簡直不值一睇...主menu才適合我們嘛..
真係好好味, 平時不太愛吃炸物的我, 都忽然愛上了不油的天婦羅呀... 明明沒有烏東的餐, 我們都要加錢去吃, 吃個夠吃個飽, "開動了"

準備明天7.1的大減價...補充體力..