日@SPECIAL

終於到了第五天, 其實打後的都是SHOPPING多, 於是我決定丟掉過去幾天的寫法, 倒不如寫一些有趣事情, 去SHOPPING, 指定動作緊係試衫, 日本人可止好禮貌, 值情係好口德到不得了:

"日文停不了" ` 無論你識唔識日文, 去到買衫的店舖, 佢都真係同你講一大堆日文, 明知你唔明, 依然十分熱烈的跟你說不停, 彷似說多一些, 我真的會明白一樣呢...

"我真的KAWAYI了" ~ 話說友根試衫, 每當試衫完畢, 拉開個簾出來時, 售貨員見到便會立即跳出側頭拍手叫KAWAYI呢, ...究竟係佢地好心地有口德定係真心, 有時真係分唔出, 當你自己都會FEEL到唔係太好睇時, 佢地依然以100分的熱誠為你整理好你的衫, 再講一連串日文, 我同根都會對望, 心裡及嘴裡都會爆出一句: 你係真唔係呀? (佢地都聽唔明0架啦,不妨直說)

"我的BABY呀" ~ 為了遮蓋住大PATPAT, 有時候我們都會選擇較長的衫, 衫一長, 自然較為寛濶, 自己又未去到MODEL FIGURE咁FIT, 著了出來總是濶濶大大, 如果加埋個小肚腩, 分分鐘好似有了BABY一樣, 友根就為我們試範了一次, 照例的, 友根試完衫出來, 衫是比較濶大的, 於是可愛的SALES會拿條BELL來給你襯一襯, 裝飾過後立即唔同D, 但係由於肚腩較平常人大了一點的原故, 總是怪怪的, 友根說, 好像有了BABY一樣, SALES在旁當然一頭冒水, 於是我們用著英文跟她說, 她卻誤會友根真的是有了BABY, 還給她一條BELL, 簡直是想謀殺BABY, 立即十萬火急的來幫忙解開及說對不起, 好似怕BB壓親似的(老實說,裡面全是屎才對, 哈哈, 不怕壓的), 我們知她誤會了後, 便立即再度解釋, 只是身形像, 並不是真的, 當SALES知道後, 她與我們一起笑到扒地...她笑了很久...我們也是...

"消失的垃圾桶" ~ 日本係一個愛乾淨的地方, 條街可以話無乜垃圾的, 好乾淨的, 乾淨到連"垃圾"桶都揾唔到一個, 真係方圓百里, 你想揾一個都難, 我一到懷疑佢地的詞彙裡有無"垃圾"呢兩個字呢?

第四部曲

來到第四天, 另一成員根即將會於今天的傍晚時份抵達, 我們已約好地點, 希望能順利接到她, 我與團長也不時擔心她能否成功抓緊時間登車, 會不會不知怎打電話給我們...這是一項好勁的挑戰, 一個人飛往東京呢...
為了能令到大家睡得舒服一點, 我們換了館, 去到車站的北面...一早我和團長已為了搬館出動了...跟住我們就去了築地吃我們的早點, 這個魚市場, 真有風味





來到日本第一餐的魚生飯

由於這裡是魚市場, 所以都沒有什麼豪華的裝修, 你當是街市就可以了, 但風味十足呢.



來到涉谷, 有我最最愛的縱橫交錯的馬路


離開涉谷, 回到池袋等候另一團員, 好彩我們終於在車站遇上了, 成功抵步的她終於跟我們重逄了, 我們笑說以後她也可以一人行動了...放下行李後, 馬上在池袋閒逛了一陣便去醫肚, 今晚食餐好的...

我們餓透了, 這款專為女性而設的輕巧餐,對我們來說簡直不值一睇...主menu才適合我們嘛..
真係好好味, 平時不太愛吃炸物的我, 都忽然愛上了不油的天婦羅呀... 明明沒有烏東的餐, 我們都要加錢去吃, 吃個夠吃個飽, "開動了"

準備明天7.1的大減價...補充體力..

第三部曲

團長話有一個景點, 係好值得去參觀的, 這就是宮崎駿的博物館, 這博物館巴閉的地方, 除了裡面唔準影相外, 全部門票都要預先在某特定便利店購買, 博物館外不設售票處, 你也可以在香港預購, 可是票價貴一倍的, 精打細算的團長, 怎能讓價格提升一倍, 我們到達特定的便利店, 雖然團長已打印購票的過程, 可是難道還是存在著, 好彩有好心的店員幫助, 我們順利買到票了...






我們還要轉乘貓巴士才以順利到達, 入場卷還包了一套大約十五分鐘的短片, 雖然唔識聽日文, 都覺得幾得意, (其實都無乜對白), 博物館裡有好多真跡, 而且還有模擬他的工作室, 好強.. (斷估都唔會放D假野係度再開個博物館), 能夠拍照的地方真的只有外面...天空之城的機械人..看完這個博物館真的好想立刻重温一下他的作品...






跟著, 我們便到達潮人潮聖之地~原宿, 後面的街道我很喜歡, 一直都很迷戀這些景色...(儘管我手上只有一小袋收穫)

第二部曲

第二天的首站係淺草的雷門,經過一輪的左轉右轉的火車後, 終於抵達...這次東京之旅, 這是我特地要求加入的環節, 可能受到日劇深遠的影響, 總係好想黎親自睇下...真係超級熱鬧...



沿路都是食店及買手信的店舖

後來見到一百YEN求簽, 心癢癢都求番支玩下, 日本人都好自律, 基本上都無人監察, 都會乖乖投入錢, 然後才去拿起簽筒, 看過人示範, 來了便玩玩吧...如果求到凶簽, 便要把簽文摺好綁在架上...我唔駛講...求得凶簽...所以能夠示範晒成個過程...團長就求到吉簽...

即食即做的人形燒...真係好好味...


結束雷門之旅, 便是踏上尋找木村之路, 唔好誤會, 只係佢去經常拍戲的地方啫...身在日本, 同木村呼吸著同一個國家的空氣, 感覺真好...下一站係日劇經典~彩虹橋


這隻熊仔很可愛, 一下雨就會流眼淚, 就是它的眼淚會著起燈來...


彩虹橋的對面就是製作日劇的重要地方~富士電視台

即將在港走紅的卡通片, 根據完全唔識日文的我譯作"八家飯店"

成為SMAP X SMAP 的嘉賓

這些日本書包很可愛..大約是四千多元港幣一個...日本的小朋友...很有錢呀..可以背住佢上學, 真係型晒啦..

最後到了店內只有十六個位的無敵家拉麵作晚餐...排了很久...味道當然係YICHIBAN

東京七日遊@第一部曲

(我唔知可以寫到幾多部, 不過應該超過唔到哈利波特的七部曲)

我的第一次東京之旅終於順利平安及快樂的結束了...回頭看, 好像只是遊了三四日, 根本唔覺係七日, 所以當上機回程時, 我只能感嘆的跟東京暫時說聲再見...

此行為三人行, 但卻分了兩批出發, 因為以事業為首的JQ因工作在身, 臨時要縮短自己的行程, 由七日變四日, 沒法子, 所以首先出發的只有我和團長JK...沒有了幸運JQ, 我地班機稍為延誤了半小時, 但都能以四小時廿分鐘順利抵達東京, 到達日本第一眼見到的日本人, 第一句聽到的日文通通都令我的心跳加快, 好似中毒了一樣...很多日劇都想起了...

在此必須感謝團長JK的預備功夫做足120分, 完全不用擔心火車, 路線, 她已在HK做好晒資料, 係日本通...登上前往池袋的火車, 窗外的屋就如叮噹卡通片一樣, 一格一格的整整齊齊密密麻麻的排行著, 大約一小時多就抵逹了, 地鐵站實在太大, 找出口都有困難, 而且站內人頭湧湧, 好不容易找到出口,

第一個遇到的好人, 為日本加分: 當我們正在煩惱住所的正確位置時, 突然有一位嬸嬸走出來, 不斷用日文的跟我們說話, (講真,明知我地係遊客都依然落力講日文,真係好野) 並觀看我們的地圖, 原來她是想帶我們去,(我曾一度懷疑佢會問我地拿帶路錢), 誤會好人, 真抵打, 在她的協助下, 我們成功到了民宿,

(右手面就是我們的住處了)




一共兩層的, 管理員是台灣人, 都幾有家的感覺, 我們住上曾的第一間房, 房裡都有基本的電視及風筒,鏡等...厠所是公家的, 但係比我想像中的要乾淨得多...放下行李後, 我們便立即不遲疑的上街去了, 東京的晚上, 正呀!!!(總知正啦)

(你看街道多美麗)
























肚子餓了就到松屋吃飯, 松屋是自助式的食店, 到售票機買票後, 坐在巴枱前, 店員便會收起你的票, 很快就會送上食物...大部份都是男人吃的, 哈哈..相信大家都是為了醫肚而走入松屋, 吃飽都不會逗留,
(全場差不多也是男人)


(我的第一晚晚餐)




(嘩大金呀!!!)