阿達加油!

這是一篇加油日誌, 為現正高考的沙姐(阿達)打打氣, 加加油...

一切順利....心照.....加油呀!!!!!!!!!!!!!!!!!!!!!!!!!!!!

濕身海洋公園

相約多時的"海洋公園cross over 鳯凰之旅"終於係復活節假的第二天落湯雞的完滿結束

可能年紀大, 心血少的關係, 一早已響朵謝絕一切剌激的機動遊戲, 以觀光自由行身份遊覽, 怎料成員祖潘卻未有得悉, 嚷著要玩機動遊戲, 更說不知這原來是"知識之旅", 結果由大膽岑陪伴她玩了務必濕身的"滑浪飛船"...

唔玩,就影張相, "到此一遊"

第一站就係去睇海獅, 有d活躍, 有d灘係度, 久久不動, 我們臭口的說是否已死了, 是便要通知工作人員, 等到佢有些少郁動, 才安然走開說"原來未死"....

真係等0左好耐, 先郁下..最後佢都有落水...

跟住去睇彩色水母, 我其實覺得好惡心下...唔知點解, 不過係幾特別lor...好輕好薄咁...郁下郁下...

最搞笑係你入到去, 好似去了disco咁...好迷幻, 好多鏡, 真係有幾次差d撞埋去....黑媽媽, 想揾番失散同伴都唔係咁容易..好多好大條的試管裝著, 好似22世紀裡面的人俾條好大的試管裝著咁

我地d成員以食為主, 話咁快就要食晏啦...m記啦...都係唯一選擇....同時也開始下起雨來了...

最期待的應該係海洋劇場, 雖然雨還是下個不停, 我們卻堅持要看..由於太大雨, 大家都拿著傘, 我們卻被前排觀眾的傘滴到大腿濕晒, 起被都唔想出聲, 因為理解個情況, 但係睇一睇, 情況好嚴重, 我便開聲對前面的人叫他們把傘拿前一點, 自由行來的, 竟叫我坐過隔離, 我話隔離都濕晒...後來搞佢地唔店, 我要企係身睇., d海豚真係好鬼叻, 果然係人類的好朋友, 有隻海獅唔聽話, 突然走開0左, 工作人員點搞都唔係番埋黎..好搞笑, 最終要落台, 佢先肯跟住走...不過睇到差唔多完, 我地全部人員頂唔住, 因為太大雨, 乜都濕晒...唯有中途走...企到最高樓梯睇到完場...

就係我前面把緑色遮, 係咁滴水...係咁隊埋黎...

大家檢查過後..全人類上至下都濕晒...凍到震, 精品店即時出現搶購一件成本可能係一兩元的透明膠雨衣, $25, 有colour有埋logo要$55..真係好過去搶...最後祖潘買了把$8x的雨傘...叫做推動過經濟...

睇埋鯊魚, wewe wahwah話跟鯊魚擦身而過..有無諗過條管道突然爆咗, d鯊魚衝晒出黎...死硬...

跟住便到探安安佳佳, 盈盈樂樂, 嘩....安安佳佳無人吼, 個個走去睇盈盈樂樂, 都唔係無原因, 因為佢地郁都唔郁下, 攤晒係度, 可能年紀大掛, 另外雨隻, 真係好搞笑, 一出場就係咁食竹, 仲係一咋一咋咁塞落口...大食到....

好勁呀, 我係海馬公園仲撞到至愛劉華!

d人係咪真係咁無禮貌呢...影相啫, 你影完咪算lor...係咁擺住個位...係咁話...阿邊個邊個過黎影...死唔行開...好似想叫晒所有親友咁, 仲好意思同我講, "影多張啫, 等多陣" , 我呸, 我一句得埋去..."咁唔等都唔得啦..", 佢地完全無意識係有問題...

不過旅程總算係開開心心的結束了....

星期六

星期六是快樂的一天, 很久很久沒有跟你聊過天, 這才發現我們的回憶似遠還近, 差不多三年的共同生活, 每天的細節點滴, 原來大家都一直記得...我把我倆形容為公司孖寶, 拍住上的日子很有安全感...大家總是齊上齊落...這讓我更懷念, 更珍惜大家的友誼...人大了, 我時時都話好難跟人建立起像中學的友誼, 可能我地都係同一個星座啦, 所以特別夾...有幾多個可以由好同事變成好朋友...這更令我感幸福, 我地都跟大家說, 那公司最大的得益便是識到對方, (可見我地幾唔放份工在眼內) 竟然以識朋友為重點...:)

沒有分開過, 不知...原來好拍擋咁難揾...如果只能遇上一次, 已遇上了....

談起共事的日子, 都會笑反肚...雖然未知你還會不會再走...無論如何....心照啦....

你錯過了小豬的演唱會, 最想跟你去看, 因為...係你介紹佢俾我識....放心, 下次再有...一定跟你再睇

回來了.....

明明同你msn緊, 突然電話響起"寶貝甜心...跟這小四年生".....嘩....我....幾....耐.....無聽過....呢個特別為你而設的鈴聲.....我喂落去...以為撞鬼.......

原來你.....番了香港.......welcome back..

諾言

同melody一家, 阿爸阿媽去飲茶...



我: 喂, 最近點呀, 你d學生有無乖到?

諾: 我0個班呀? 乖0左少少啦...



帶佢去厠所

我: 痾完未呀?

諾:痾完啦

我:你係咪有痾呀? 好似無痾過咁喎..

諾:(指著屎塔) 你睇下..黃色0架...



我抱著細佬, 佢哭, 諾諾即刻跳下...然後親著細佬說:

細佬..乖啦,,唔好喊呀...如果唔係家姐第日唔買睡衣俾你0架...(d細佬諗法好怪lor,買睡衣?!)

細佬真係0係佢又鍚又講下收聲了...



去到公園影相...

諾:姑姐..你坐過去啦...我幫你影啦...

我: 你先啦...你去先...陣間到我啦...

影完...輪到諾幫我地影...

諾: 呀...阿爺唔該你行開呀..唔夠位呀....(我同阿爺分別係坐係最側的)

笑爆全場...

結果將相...由阿爺個位開始cut起...另外全部都有份入鏡...



諾:阿姑姐..我帶你去我間屋呀...

去到..原來係一坐"shu滑梯"...

諾:你企係度先, 我上去..我去倒杯茶俾你飲呀...

諾:你入得黎啦..呢度係我間房..你訓低呀...

我成個人嚇一嚇...點訓呀大哥..但阿諾已成個人訓低..

仲話: 我以前真係住係呢度0架...

諾: 你留係度呀..我出一出去..

佢去了第二條shu滑梯..

我跟住去了,....

諾: 喂..我叫你幫我睇住跟屋呀...

我:哦．．．係呀．．我叫了第二個小朋友幫你睇住呀．．


諾: 你跟我黎啦..我帶你去睇海豚

我:行慢d, 你拖住姑姐啦...

諾: 你跟實我得0架啦...

諾: 姑姐, 我帶你去搭車呀..(講了起碼十次)

我: 好呀, 我去旺角, 搭邊架呀..

諾:媽咪，　姑姐去旺角，　搭邊架呀．．

我心諗又話帶我去．．連我搭邊架都唔知．

老予畢業

睇住佢大, 今年已經係大學畢業了, 今日影相, 真係勾起好多回憶, 老予(我改的, 由細叫到大) 係三歲前都跟我家同住, 由我媽幫手湊, 當時我都好細, 有個bb玩不知幾開心, 由細到大, 佢真係好乖, 俾本書佢, 佢就會坐定定睇成個小時, 當時都係得歲幾, 可能同書本有緣份, 由頭翻起, 由尾翻前, 唔識睇的, 但係好似識睇咁, d書都俾佢翻爛, 後來, 她媽媽買了本唐詩, 我就開始教佢念, 直到呢家, 佢阿媽都依然好多謝我從小就肯用心一句一句教佢念, (其實會唔會係我多謝番佢, 俾我有個機會念下唐詩呢...哈哈) 老予學得好快, 一下子, 0個十幾首都識晒lor...我可能仲係度照住黎讀, 佢已經識背晒...

老予係一個好乖的小朋友, 只要你同佢講過一次唔淮走出露台和厠所, 佢一步一次都唔會入, 同佢細佬達哥多次冒險走入厠所玩水成為強烈對比

厠所外的牆係佢專用的私家大畫版, 花到爆...老師學生係佢最喜歡跟我玩的遊戲, 我每次都係學生啦, 成日俾人罰企, 仲要揾d椅子圍實我, 方我走咁, 一企可能十幾分鐘, 雖然係咁, 但我每次都會同佢玩, (唔係我都無野好做,...哈哈..)

老予最搞笑的一次, 多年黎都依然經常提起, 就係我曾救過佢一次, 佢坐係床到玩, 當時我係負責睇住佢唔好係床到跳出黎的, 我見佢突然靜晒, 坐係到好專心咁玩, 我記得當時張床得塊木版同佢, 邊有野玩啫, 我於是走去睇下咩事, 我一見到立刻捉住佢隻手, 佢係到玩屎(緊係佢自己的), 仲想放入口...唔係我, 佢已經當場食了....

讀幼稚園佢就要走, 我好記得我當時好唔捨得佢走, 所以發過佢一次脾氣鬧鬼佢, 因為我好少鬧佢的, 因為太唔拾得...不過係咩事我都唔得了...我腦中還記得有那一幕...直到呢一刻, 我都記得當時唔捨得佢的感覺....

仲有太多太多的回憶...都依然係腦中....

遺失介指與意義＜Loss of the Ring>

無錯, 我唔見了一隻介指....明明可以執得番...明明可以...卻眼白白的見它被車走了.....事情是這樣的..

早上, 我搭小巴, 坐下後, 便拿出handcream, 除下介指放在大腿上, 搽完handcream後, 我完全把介指忘掉, 直至我下車, 我一起身, 便聽見有一聲, "拍", 好大聲下, 我以為自己跌了野, 同時我已一路走下車, 一下車便察看自己的袋及衣服是否有配件掉了, 我還回頭看一看, 一粒銀色的東西, 大大粒, 我以為係fox糖 , 我轉身就行了, 不出十步, 驚叫出來, "我隻介指呀", 走回去, 小巴已遠走高飛了..

心神未定的我, 怪就怪自己大意...找回...真的不易...

放工後, 我到小巴站頭留下電話給站員, 希望有消息....電話...一晚未響...

今早, 我再次登上昨天的小巴...我問司機可有拾到介指, 他起初都不為意...直至我把昨天的情況告訴他, 他才醒起, "我聾聾地都聽到好大聲的拍一聲, 不過你即管找找, 不過我諗掃地都掃走了lor"...

找過後我死心的坐下....原來...失去介指..就是這個樣子的..空空的..嘆氣的...怪也無用...有藉口買過隻...我遺失了跟這介指一起的感情...戴過它去不同的地方, 場合...我對不起這介指...我可以跟你說一聲對不起嗎?你會聽到嗎?你可以不怪我把你狠狠的遺下嗎?我望到你最後的一眼, 你為何不把我叫住? 是我大意! 我願意大聲的向你道別, 但你.....知道嗎?即使要買隻新的, 我怎能買回時間, 怎能買回我跟你的回憶?

就是那個藍褲黑鞋的男人下的那個位置，　我見它最後一眼（拍攝於今早，當是個懷念呢）

MELODY巾

有一次經過千色店附近的走鬼檔見到一條melody的大巾, 見到幾靚喎, 諗住買, 可是那次趕時間, 沒有停下, 於是, 星期六時, 特登走訪, 去到發現無掛出來, 換了同款卻是花花的圖案, 我便問老闆:

老闆, 我想問呢個款係咪有melody0架....

老闆慢慢的抬起頭斜眼望著我說: 你想要呀?

講真, 唔想要, 問黎做乜喎....

我說:係呀，　我想要

老闆聽後絲絲然的找著紅白藍的大旅行袋，找出那張我一早已看中的大巾，我接過來細看ｓｉｚｅ，　老闆似細卻大聲的說：頭先個客先買了兩條，依家又有人要．我都無乜貨０架啦，特登收埋佢．．

我心諗：真係奇怪，你入ｄ貨，唔係賣，係收埋，咩事呀，有人想買，你都唔歡迎，咩態度呀．．

我說：老闆唔該俾多條我呀．．

老闆：你要多條呀？

我說：係呀．．

付錢後，我繼續看其他毛巾，聽到有位客人想要一對枕頭袋，　老闆又說：無貨啦喎，　得番好少咋．．．

呢個老闆認真奇怪，入ｄ貨你都想盡快清啫，有人買，好似好奇咁，仲好似唔多想買的態度．．

我跟同事提起這件事，　她推測可能太好賣，搞到其他同款但唔同花的去唔到貨，所以佢特別收埋，想去其它貨，點知ｄ人黎買又係要番０個隻最好賣的．．

不過，我理得佢好唔好賣，最緊要０岩自己同用得著啫．

追思會

原先plan好星期日好好咁係屋企休息, 仲同阿媽請埋假, 唔番屋企食飯...點知......
下午做肥姐的追思會...本身無諗過睇的我, (早前還笑友人k星期日有節目啦, 就係0係屋企睇追思會lor, 唔駛成日話悶同無人約) 係兩點半開了電視, 一坐低...就俾0個種傷感的氣氛攝著, 看著卻不想轉台...係0個一刻, 係應該坐低一齊懷念肥姐..一個一個上台致悼詞, 差不多每一個一路講我就一路喊, 我好耐無咁樣喊過, 一喊就喊到節目完, 大約係兩小時...我唔知阿秋官係咪真係咁無人情味, 也無太大興趣去知佢點樣對家人, 這節目令我很欣賞欣宜, 其實我唔明點解d人係好喜歡投訢佢, 老實講, 佢肥時, 我就係麻麻地, 但係從未諗過投訢呢回事, 只係認為佢唔靚, 但係自從佢瘦了, 真係靚了, 而且, 近年也見佢係幕前演出, 佢唱歌好聽, 其實佢好肥時, 我見佢跳舞都係超靈活的, 我都不禁好佩服, 自從佢媽媽病了, 佢成日要面對傳媒, 佢都好得睇, 唔會對傳媒黑面, 說話也得大方, 對佢阿媽更加係愛愛愛, 見佢昨日在台上回應秋官不負責任的問題, 佢無講, 只係將重心放番係追思媽媽到...
在最後時, 還看見她跟每一位媽媽的好友握手道謝, 抱抱, 我見佢對住每一個, 佢都笑...而且豪無做作...曾志偉都話好放心, 因為見佢真係大個女, 而且答得好好....相信佢黎緊的路唔易行, 大家好希望佢真係可以得到大家支持! 一個女仔...沒有了媽媽....也像沒有了爸爸...真的很痛心...祝福欣宜...希望佢開心快樂...

重温衝上雲霄

自從now.com有無線的劇集重播, 真真正正煲過完整的應該係"衝上雲霄"呢套啦...呢套係02年定03的作品, 做時已係咁追, 一黎講機場,飛機, 好新鮮, 而且cast 吸引喎..感情線係吳鎮宇同杏兒, 陳慧shan同馬德鍾, 仲有剛出道的bosco, 陳建峰, 吳唱k, 真係每日番屋企我都睇一兩集, 終於睇晒!

其實杏兒做呢d角色好討好, 我唔喜歡佢成日哭哭啼啼的角色...

唔知點解都係好喜歡睇番d 舊劇集既, 硬係覺得呢家0個d 唔好睇lor...真係好難先揾到好野睇...但係依家0個d 遲早又會變舊, 到時可能會好睇d...

依家仲有好多野要煲野...公主小妹呀..一大堆台劇..又要開始努力煲....湯就唔識煲, 呢d在行d....