再.見. 哈利波特

星期六全天躲在家裡, 兩天內終於看完了最後一集的哈利波特, 其實已預料到一定會有一份失落感, 雖然一早已看了英文版, 知道了結局, 但是都不及中文版來的親切感, 未來的日子, 沒有了那種下一集的期待, 都不知怎辦, 聽說作者會推出推理小說, 那當然是好事, 但我只能等這個了, 哈利的故事已結束, 以後也不可以再看到他的故事, 其實蠻傷心的, 跟書中的角色建立了一份最親切的感覺關係, 比起現實中還來得簡單, 不用跟他們談天說地, 只是看著他們的經歷, 他們同樣把你當作好朋友, 故事中的愛也比起現事中的美好百倍, 看著都窩心萬分, 這本書的吸引之處是你會對著它笑, 哭, 感動, 憎恨, 重温這一連七集的故事, 就是我日後想念他們的時候...其實除了第七集之外, 我已重温過很多遍, 只因真的太吸引了...不過, 連續七集的重温還未試過, 是時候開始了.

當鳯凰遇上迪史尼(聖誕夜)

聖誕節沒有出街, 鳯凰等成員再一次來訪我家, 其實都是迪史尼的那班人呀..大家東談西談, 談番迪史尼的經典場境, 仍然回味, sum妹送了一張disney的cd給"史迪根", 因為她已醉了在那個夢幻王國, 不再回到現實...大家輕輕鬆鬆, 鳯莉騷突然拿出禮物派給我們, 無諗過會收到禮物的我們, 恰時起哄, 原來是由鳯莉騷親手製作的"When Phoenix meet Disney", 是一本小相簿, 裡面有五張我們去迪史尼的合照, 感覺很像harry potter, 海格送給哈利的相簿, 雖然d人物不會動, 但感覺好似...是一份回憶, 更回味...THANKS KALLY

我們當晚叫了到會pizza, 我們還閒談平日的生活趣事, 主要是我投訴章魚的事, 大家嘻嘻哈哈便過了一個開心的晚上.

有劉華的平安夜

今年的壓軸演唱會是我的劉華, 三年前的演唱會我也是座上客, 尤記得他曾說, 沒有突破的演出, 是不會輕易再辨演唱會的, 今年最突破當然是一開場的雷電場面, 真的很震撼, 看見也很驚...聽說買足千萬保險的...有誰比我們更幸福能跟劉華一起過平安夜...當然不少得的是有埋鳯莉騷和嘉雲和章魚一起啦...劉華我來了...哈哈哈....

他很照顧我們坐得高的fans, (其實我已坐廿三行,算不錯了吧, 還得謝謝瑪莉的幫手才有這張正飛呀, 再一次謝謝瑪莉啊) 個台升得好高, 都讓我們看得很清楚, 以我看這麼多年的演唱會, 華仔每次也會照顧上面的朋友, 打招呼都第一時間跟山頂的朋友問好先, 而且每次四角的台都會升得特別高, 我相信華仔也是從低做起, 所以很了解, 無論買平或貴, 都是支持他的人, 特別喜歡他這麼細心, 他依舊很型, 很努力, 很親民, 跳得, 唱得, 最近他在國內勇救fans的一幕更令人更敬佩他, 心中已滿分的, 現在更滿...他唱盡很多經典的歌, 最喜歡是跟他一起合唱的"如果有一天", 我本身已很愛這首歌, 全場大合唱感覺更正...

如要跟三年前比, 我會較愛三年前的, 因為有很多不同的場境看...但三年前跟三年後的華仔比, 我更愛現在的華仔, 因為更man,更好, 更型...

Disney Land 23/12/2007

迪史尼開了這麼久, 今年終於約到成班人一起進入這個夢幻王國, 雖然抱病在身, 但我依然非常開心也十分期待, 一向以來, 外間對dd land都係不太好的評語, 除了細, 還是細, 雖然係細細地, 太大反會走馬看花燈, 其實裡面的每一樣野都好靚, 真係好似入了一個夢幻世界咁...

其實都有好多爆笑場境的, 話說我地去排什麼船, 分了廣東話, 普通話, 英語三個導遊, 經過大家的商量, 認為英語比較少人, 於是決定唔識聽的都照去馬, 點知鳯莉騷想踏入英語隊時竟被職員以國語告訴她"這是講英文的", 即時笑爆我地, 以為鳯莉係內地客, 這個經典場境真係陪住我地成世...

玩space mountain, 簡直係攞我命, 嚇到爆炸, 可能有人認為完全無料到, 但對於連眼鏡都半掉的我, 我真的認為是太厲害了, 那張相我真的不敢放上blog...有興趣請登上gun的blog看吧...

睇立體影院時, 其實如果佢張椅子可以好像海洋公園的一樣會郁埋真的是滿分呀...聽說海洋公園己沒有了立體影院..很失望呢...

煙花配上立體眼鏡, 果然係不同, 全都是雪人在天上, 真的難忘, 應該是聖誕節才有這個效果吧...

大街下雪是另一開心位, 其實都蠻真的...好有氣氛的...

一行六人最後真的玩到接近十一點才散, 雖然都幾累, 但真係幾正...希望佢快d開發多d地方, 到時一定會再支持, 或者下年聖誕節大家再相約去...

還是布魯圖最襯我, 高度最正..

高級夜晚

昨晚舊老細請食聖誕節大餐, 原先話去食自助餐, 但係由於香港人實在太有錢, 幾乎所有酒店都全部FULL晒, 要BOOK一係留WAITING LIST, 一係去到出年2008, 真係好得人驚, 我終於見到香港經濟真係好起飛, 結果我地去了一間係OCEAN TERMINAL的以郵輪做主題佈置的高貴餐廳...未去過呢D HIGH野, 見識淺薄...老細問我地幾條靚食乜, 我地都係答"跟你",,,哈哈, 因為老細食開, 實知咩好食, 我的飲品都係跟同事叫了SEX ON THE BEACH..嘩..個名幾正....

真係全維多利亞海景, 真係坐一晚都好夠啦...

左面是我的戰友APRIL, 右面是我的老細ANGELA.

堪稱係二至三人份量, 但我地六人食到一半已很飽...價錢好奇妙, 寫住:市價(因為有龍蝦)

呢D蠔好味呀...仲有生蠔都叫了面碟

我們的主菜是紅酒汁伴澳洲龍蝦加牛柳

甜品是APPLE CRUMBLE

飯後一杯紅酒, 第一次飲的我, 立即請教眾人怎樣才知這支紅酒是好野, 要怎樣品嚐, 怎樣才知自己會醉..

這一餐.真的食得很開心, 重見這些同事, 感覺依然好warm, 好開心, 老細多謝晒....埋單成1/2皮呀...真係好正...

留堂

聽陳哥說, 諾諾俾人罰留堂, 因為人地分茶點佢又唔食, 功課又做到錯晒...

阿婆去接放學時, 老師話要罰佢留堂...結果幾個先生圍住佢, 要佢做好d功課先走得

笑死我 結果我去訪問她

美:姑姐想問你d野, 你依家得唔得閒呀?
m: 得呀.你問啦
美:聽講你俾人罰留堂喎, 點解既, 講俾我知得唔得呀?
m:ａｉｙａ，唔好講呢ｄ野（積極轉開話題）　我唔想講呀
美：講黎聽下啦
ｍ：係秘密呀
然後ｍｅｌｏｄｙ轉開話題

ｍ：你知唔知我爸爸個前文名係咩呀？
美：唔知喎，　你開估啦．
ｍ：佢個前文名叫大口仔
美：哈哈哈．．大口仔
其實大口仔根本唔係一個英文名ｌｏｒ．．笑爆我
（後來又問佢爸爸，　爸爸話原本佢叫佢做ｌｉｔｔｌｅ　ｔｗｉｎｓ　ｓｔａｒ，佢反對，後來叫了做大仔）

我間唔中再聊下佢講留堂的事，　佢終於忍唔住開始數佢個老師
ｍ：我０個個老師呀成日畫花我本簿０架，　我寫０錯左你叫我擦呀嘛，　仲乜要畫花我本簿喎．．佢好衰呀
美：你係咪寫錯呀？
ｍ：唔係呀
美：既係你無寫錯野既，　但老師就畫花你本簿
ｍ：係呀
（通常都係話老師錯的）
ｍ：我媽咪遲ｄ會去鬧佢，要用拖鞋打死佢
美：唔可以打老師的
ｍ：係我媽咪打呀．．

我的瑪莉啊

嘩嘩嘩!!! 我的第一份聖誕禮物...真係勁野...唔係講笑...超乎想像的開心, 係一份由我的舊同事瑪莉送給我Crabtree & Evelyn 的一套box set 薰衣草 Lavender Hat Box, 事不宜遲, 睇相先講

你睇你睇, 一睇個盒, 就知係勁野..夠晒份量, 包裝精美到極得體, 0岩晒我..

成日問咩係有質素的生活, 用晒成set呢d 勁野, 全面提昇晒

一系列的Lavender, 我咪成個Laven人lor...識欣賞我既朋友, 果然係有taste...認識到我係你的福氣...哇哈哈哈...識送d咁正禮物俾我既朋友, 我更加欣賞...哇yeah yeah...

阿卡, 瑪莉話你不在呀...送晒俾我呀...你最好每年聖誕節都出外玩..哈哈

瑪莉, 你出手認真不少野, 果然係我頭三名的有錢朋友...希望你繼續有錢, 極力要求你返回到你的太古城居住, 因為太古都係最適合你呵..happy x'mas(記唔記得我地上年討論過merry x'mas 同happy x'mas呢個話題呀...)

諾美電話對話

有一日melody 打來,
喂, 姑姐..你幾時帶我去海洋公園呀?
美:你駛乜我帶你去呀，　你有全年通行証，　隨時去都得啦
ｍ：過０左期啦．．
美（咁醒目，過了期就打黎揾我，意圖好明顯）：好啦，揾日我地一起去啦
ｍ：多謝姑姐
美：（我好似無應允請佢喎）喂，你請我去啦不如．．
ｍ：我無錢喎
美：你依家有番工啦，我又有番工，我有錢，　你都有錢啦
ｍ：我番０個ｄ公係無錢０架
美：你又話自己開公司，你係老細，點會無錢
ｍ：ａｉｙａ＞．．我０個ｄ係無錢０架．．
美：好啦．咁我地下次一齊去啦．．（都無謂同佢爭吵啦）

粗爆男人vs小巴

最近搭小巴真係奇怪事多多..又同大家分享一下...上星期日一大早, 我就同章魚一齊出街, 搭小巴, 未行到小巴站已聽到有一個男人係度嘈, 同一個行到老遠的女人係度爭吵...埋到去就聽到以下的對話...
男人: 你怕咩x野啫?怕佢咩x野.....
女人(仍在老遠,但已開始行番埋黎): 咁佢唔俾我上..咁我點啫...
男人: 咁你就要行x到咁遠..
女人拖住個小朋友的, 回來一起上小巴..一路上還一路嘈, 兩個都係咁用粗口嘈, 明顯係大陸女人..但佢都開始唔再出聲, 因為根本無意思, 個男人太粗同勁惡..
去到中路...個女人問個男人係邊度落定咩鬼, 跟住就話千色店落啦, 個站都過了啦,,點知再一次惹起個男人的怒氣, 今次就司機好糟糕, 正常黎講, 係乘客自己叫邊度有落的啦, 佢竟然話司機無問邊度有無落, 男人的過份..去到完全唔講道理lor, 個司機話: 咩呀. 個男人又話 咩呀...咩來咩去好多句,
個男人又話個司機咁細聲佢聽唔到, 又話自己係聾既, 聽唔到呀吹咩. 司機話:吹你唔漲, 男人話: 我好健康, 過黎吹啦, 司機話: 你好野, 你真係好野, 係呢d女人先忍得到你...男人繼續嘈, 佢個仔(應該係小學三四年)終於出聲: 你唔好再嘈啦...個男人完全無收檢, 再嘈, 司機話: 我認住你..
男人即話: 好呀..我企係度..俾你認住..你認住我呀..我認住你就真....xxxxxx
咁我地都要下車..佢地依然係度嘈. 章魚一個身位"得"埋個男人到, 讓我下車先, (個男人已企到係下車的位置同個司機爭吵緊), 我起初以為章魚睇唔過眼, 特登"得"佢, 後來先知佢係驚個男人撞到我, 所以就"得"住佢先...我幾驚個男人發現了話章魚撞佢, 咁就有排搞呀...

呢d 男人真係嫁了都要哭十世...真係好鬼din, 完全不顧忌, 係咁係條街鬧自己老婆, 又蠻不講理..根本係打橫行, 我都認得呢個男人啦依家...

同鳯莉騷傾電話

美: 我想買番份禮物俾舊老細
鳯: 你想買咩? 你D品味一向唔係咁好
美: 我買過D乜, 係你認為無品味既呢, 麻煩你講一講...
鳯: 我意思係你買俾我地0個D層次緊係無問題啦..你買D高層次真係好難講
（低人就得，高高不起）


美: 我老細話請我地去ＸＸＸ食聖誕大餐, 仲話可以帶埋男女友,老公老婆咁話..
鳯:帶我去啦帶我去啦，可能我呢一世都無機會去食．
（超誇張）

華仔新cd

同事dy話我唔支持正版, 我不知幾支持, 華仔的cd一出, 我立即買下...邊個話我唔支持...今次是新曲加精選, 一隻國語一隻廣東, 仲有dvd..真係超晒值...其實買呢隻cd的好重要原因係因為裡面有一首歌我好喜歡...那時我沒有買下那張cd...就是這一首

已經和眼淚說好不哭泣

我天天練習　天天都會熟悉　在沒有你的城市裡　試著刪除每個兩人世界裡　那些曾經共同擁有的一切美好和回憶

另一首要推介大家的是:Every one is no.1

只要你凡事不問 能不能

成功的秘訣在你 肯不肯

只要向前衝 告訴自己 天生我才必有用

喜歡華仔的歌 有一點很吸引 是很有鼓勵人的作用....由他唱出...事半功倍...很多道理...聽著更學著....另外喜歡一首"如果有一天" 都有收錄在這cd中, 華仔親自填詞的...

人的快樂　在乎學曉等候　命裡不歸於你　你便毅然地放開手　越抱著只會越嬲　知足一世你便富有

記得他上一隻主力是醫人心的碟 一樣好正....

搭車精選

每天早上我都坐小巴出旺角, 齊晒人開車時, 司機會問有無人係深水埗落, 如果無, 司機會行另一條更快的路直太子, 每次佢咁問, 我都好希望無人出聲, 因為真係快好多, 尤其是你趕時間.



有一天,司機照問深水埗有冇人落, 全車無人出聲, 心諗..."正"...十五秒過後, 坐係司機位後的一位靜靜的跟司機說話, 司機無奈的說, (其實係我無奈先真), "咁即係有落啦", 我心諗:頭先又唔出聲...等人一場歡喜一場空, 好彩佢係深水埗頭下車, 我們還可以行一半快線, 就係佢下車之際, 有一個學生哥上車, 司機第一時間同佢講"唔經深水埗0架喎", 學生似聽進耳, 照坐低, 開車十秒後, 跟司機說, 栢樹街有落...(栢樹街係深水埗)
司機大佬即話: 都話唔經深水埗lor, aiya>>>(咪係, 玩野, 明明話唔經啦, 即係人地話唔經觀塘你偏要叫apm有落) 前少少0個度俾你落番車啦, 你轉過第二架啦",
學生哥好固執話:唔駛啦, 轉頭就問, 你第一個站係邊呀? 司機話係太子, 學生哥話:咁我係太子落啦...
司機堅持的話: 你係前面落啦, 你轉過架啦...好快0架咋, 你係太子落, 有排行啦, 我地大家唔好0徒大家時間, 你落車啦..."(好似分手咁) 隨即車已到站, 開埋門請學生哥落車..

真係xyz...一個遲鈍, 一個唔聽書...晨早留留, 個個都係度玩野....

舞所不在

最近買了兩隻cd, 第一隻係我今年起才愛上的小豬, 自從看了"轉角遇上愛"後, 火速愛上, 他跳舞真的勁爆, 以前我不是很喜歡聽快歌, 也因為他, 改變了, 偶像影響力真的勁...唱慢歌都超好聽, 個人喜好啦...佢個樣又似城城又似東東...好似混合版咁...係我今年最愛的cd之一...他的"最後的風度" 超好聽, 還請來了我最愛的填詞人林夕為這首歌填詞...

"我給你幸福　你問我什麼才是幸福這個問題　反而讓我　把你看個清楚"

"我不怕愛的殘酷　反正我很想跳舞 我最喜歡挑戰孤獨　我也愛放下包袱沒有誰　我也不　捨得哭 hu 我　我也不在乎"

"想給你幸福　想不到分手你才幸福 是誰的錯誤　我不認輸　我忍得住"

全隻cd 我都好喜歡...yeah>>>>

至於我仲買了邊隻cd..聽日再談

Poe同事結婚了

今個星期..很快的渡過了, 上星期才飲完舊同事poe少0個餐, 估唔到咁快就一個星期...去飲的趣事都不少, poe少外母連環獻唱, 好似開concert咁, 仲要係唔駛睇歌詞, 台上唱到台下, 真係"面對天空開個唱"...小型演唱會隨即展開...連阿poe少都話啞了...不過都係一件開心喜慶的事, 宴中要我們幫一對新人的未來孩子改名, 我呢d創作部梗係要搞盡腦筋, 結果我的精選係, 男的叫方型, 英文名叫smart fong,女的叫方糖, 英文名係sweet fong, 唔錯啦, 可是評審全是老人家, 我這些咁出位的名字當然沒被選上...我的席上還提供了不少有趣的名字, 方芳, 方心, 方世杰, 方程式(formula), 方安生, 其實仲有好多啦, 方野, 方失失, 方毛, 方案......

當我地一行人一齊走時, 係中環呢d咁金融既地方, 竟然有一個鬼佬問我路, 老實說我過海都要睇地圖, 好彩佢問我mtr station係邊, 我本身仲想指佢去, 但我地都要去, 於是我一句"follow me", 好漂亮的答案, (當然唔係一句啦, 當中都有0個d i will go to mtr station....etc"...)...點知...我地班人仲傾得好開心, miss了個MTR STATION, 個鬼佬叫番我地轉頭．．．哈哈．．．我唯有即時補一句，　"WE MISS IT"..哈哈．完場，為了不失我地面子，　我決定立即轉移話題問佢搭去邊，好彩我聽到其中一句係TAI PO, 立即又扮晒野同佢話要轉KCR，點知．佢又話知．．失敗而回．．

跟住的一個星期都係密密忙忙的過了．．．香港仔塞車情況依舊，唔趕時間都算佢，如果趕起時間黎，真係考你忍耐力，我發現我的忍耐依然未得．

星期五（昨天）就跟舊同事唱ｋ，估唔到有一個同事超勁，真係要做歌星．首歌唱到好似係佢咁．．男女都唱到．．我地既即場改歌詞，也笑反天．．

之後回家在路邊車仔當買了兩對暖暖鞋．．真係好舒服．．

melody vs 導遊

話說melody做功課寫唔夠幾下又起身, 被媽媽大駡, 還要趕她出門口

美:你俾人閙呀...
melody:無呀..
美:唔係喎, 你阿爸話你尋日俾人閙..爭d趕出門口咁滯喎...
melody:你唔好聽佢講呀...佢傻0架...(佢係講呢句時仲特登押低把聲, 笑死我)

melody: 喂,姑姐...
美: 喂, 點呀, 陳x諾..
melody: 你可唔可以唔好叫我陳x諾, 叫番我做melody
美:哦..melody
melody: 喂, 姑姐...(重新開始對話)

melody: 我想聽歌呀...
美: 我依家食緊飯又無開機, 你不如陣間再打黎啦..
melody: 哦..咁我都等得既...

去一日遊, 導遊m在車上介紹地方名的由來,
m:錦田個原名其實係叫"岑"田, 原因.......(我完全唔記得)
m:咁又有無人知道屯門的原名又係咩呢?
........無人知........
m:其實屯門個原名就係屯門啦...
美:(我暗裡不斷叫吹佢個漲..咁都得)
m:其實佢中間都轉個好多個名.....
美:(我都係決定訓番陣)

幾多度的褸

朋友買衫的哲學-温度

朋友說:我沒有18度的褸...
美: 乜你依家去到咁高深，用温度去分ｄ褸．咁你有無17度，15度的褸呀?
（唔知佢屋企係咪分了三十格埋唔同温度的衫呢）

每季都會說無衫，
美：咁你衣櫃裡的衫呢？
朋友：無衫喎．．
美：明明成堆衫，點解見唔到，你無衫無衫，但始終會著到ｄ野出街既．．（佢身上著緊的衫唔知係咩黎的）

海港城07燈飾

有一晚我,阿斤,鳯莉騷三人去海港城睇燈飾, 為了拍好照片, 我不惜放下我高貴的形象, "lau"曲身體幫佢地影相, 但由於post太好笑(係我), 大家有時都笑到一團糟...

我最滿意的照片, 可以影到頭上的銀星星...

重返

回到舊公司工作已一星期, 很多同事問做乜會番來, 我的官方答案是"出面大風lor, 番黎好遮蔭"...
我唔明點解有d同事(來來去去就係0個幾個最八的同事) 成日話"呢度有乜好呀...又走番黎", 老實講, 我都唔知有乜好, 人工俾到...咪番黎lor..好簡單啫...打份工, 都係為錢啫...我真係想反問, "如果公司唔好, 咁點解你自己唔走, 仲留係度咁耐"...有d人就係好喜歡成日去challange別人, 唔好話我重返會收到好多提問, 就算我未走時, 呢d問題都成日俾人問, "仲乜唔走呀, 唔好留係度, 無用0架"....又唔見佢地走喎...真係r爆頭lor....

見番d 熟同事, 真係開心..有d同事係佢認得我, 我完全唔記得佢, 有d 就大家認得對方, 就硬係叫唔出名來, 其實d阿嬏最好記性既, 有一個阿嬏仲特登來到我的位同我打招呼, 因為以前我坐0個層係佢負責的, 依家我坐了第二層了, 她知道就特別來找我...

工作嘛一樣如此做, 無論去到邊到, 都是一樣吧!!!雖然好馬不吃回頭草, 但是我從不認為我是一匹好馬...哈哈....所以我重返...

書法展覽111107

111107 , 這是一個四人合辦工會搞的書畫展, 我的大舅是寫書法的, 其他有的是畫畫+書法, 我們的family都有好多人去捧場,

我唔知這是什麼字體, (根本無可能知) 右面讀起是"言有物, 行有格"

這是我用了二百元投下的, 左面讀起是"常想一二, 不思八久", 那個麻煩人在我影相時伸了一腳出來...那便是我的二哥...

這是一位我媽的老師麥惠洪的作品...很厲害..

我家已買了三幅支持..必會在家表起佢...

AG

跟AG的同事雖然只認識了兩個多月, 其實感覺蠻熟的(一相情願吧..哈哈)可能大家年紀相近(別說誰大過誰), 感覺很親切的, 每天都會有很多好笑的gap, 爛gap...乜都會笑一餐, 大家鬥下嘴, 很快又會一天, 要離開這間公司, 其實真的不太捨得, 很難得認識到一班好玩好人好笑的同事, 要特別多謝April的, 因為.是她教我工作上的事, 第一位我在這裡遇到的好同事...另外的三位男同事, 也非常好, 分別有阿純J (其實純鬼純馬), 翻版志雲R (真係少年版), 準新郎P,仲有一位西人上司天使, 另外兩位女同事是間時來飯局的T, 及懂亞拉百文的同事E...

沒想過我走, 他們依然對我這麼好, 還給了我一個SURPRISE CAKE 同埋一份禮物...一條好靚的八達通呀...真係去到邊都帶住佢, 忘不了...

而我的TEAMATE更在我走的一天請我食大鮑魚, 超WARM, 咁大個女都未試過走會豪到咁!?

我就為他們準備了周星星的爆笑VCD作為答謝...包括有"唐伯虎點APRIL", "家有R事", 整蠱P家","J鼎記"...因為我地成日都會係度討論星仔D戲呀...

SANRIO英文名

話說諾諾學校要求學生改番個英文名, 諾媽詣詢諾諾這個好不好那個好不好, 她都不滿意, 最後佢改了自己喜歡的公仔, 叫自己做MELODY, (我一度質疑佢係咪真係喜歡MELODY) 佢呢個人好鍚自已的家人, 還幫細佬改埋英名名, 竟然叫LITTLE TWINS STAR, 我聽後笑死, 明明係一男一女, 仲要佢地一個叫LALA, 一個叫KIKI, 你唔改佢做男仔KIKI都算, 竟然幫細佬來個統稱, 真係俾佢激死...細佬大了, 我實話番佢知..
.

激落君

經過日本城, 見到呢包野叫"激落君" , 超似一位好友的名字, 只欠一個字, "蕭x君", 我都唔埋其實佢係咩黎的, 就拍下..太有趣了...

何師父

終於忍唔住要去看醫生了, 由嬌媽介紹, 何師夫~~~他醫館在深水埗, 我book了時間還要等, 一入去先是兩位徒弟仔為我初趁, 他們分別為我按摩睇位, 果然按後, 我的位置不痛, 為我搓鬆了d根, 真的不痛了, 那當然是暫時性, 師父一埋位, 果然有料到, 一摩即中位, 痛死人, 佢一按下我已嘩嘩大叫, 師父有d 似黃玉朗, 好搞笑, 說話風趣, 好準, 一按就知咩事, 佢地仲教我點樣起身的正式姿勢同要我不要再q埋隻腳坐(我最愛的坐姿), 教我正式的"mu"低拎野要點做...原來我的骨外向了, 然後影響了後面的根都痛起來, 我幾驚佢地同我"拍"番啱位...嚇死我....

入廠

阿媽入了廠....令我們一等人都嚇了一嚇,,, 立時在昱晚趕往探望...幸好沒太大礙...
醫院都有搞笑場景的.

六人一起探一個人...護士趕忙過來說, "最多兩人咋喎, 唔該出番去等", 我跟阿哥立即轉向對面床, 扮探對面的病人, 阿媽依然叫"你地兩個出番去啦",,,我說: 我不認識你喎, 你是誰呀?...哈哈...

泉哥竟穿上跟病人一樣款式的綠色格仔衫前往探病, 想混水摸魚嗎?小心衣著, 走失病人會嚇怕護士的.

所以成個星期都忙透了, 又要趕往醫院, 我的腳又未好番, 走來走去...
幸好現在出院了...

上星期六去了看舞台劇, 第一次現場欣賞謝君豪的演出, 果然厲害, 真令人讚嘆, 聽說這是重演的, 好勁呀...不過要投訴演藝的椅子果真非常"窄"...屈著腳都沒得伸展一下...唯有靠中場休息企係身舒展...比紅館更差呢!!!

我的畢業典禮

20071021是我的畢業典禮....其實真的很開心的...讀了兩年幾....見到自己終於涯過了...雖然不是什麼勁野....也總算是為我兩年前定下的目標...最終給了自己一個交代...來到今日的畢業禮其實算是期待的...因為在hku嘛....叫做係間名校...background 感覺威晒...哈哈....

一早八點半便要去rehersal, 雖然是早...但心情都相當興奮...沒想到真的要逐個上台領証書...最怕上到台唔小心"扇"親, 真係"余"死...rehersal都要一個一個上台對住d吉的椅子鞠躬, 都幾搞笑...

未夠鐘, 我地幾個都爭取時間影番張相, 同學anly有花, 拿拿聲影番幾張先, 但原來我的好友kally同gun都有特別驚喜俾我, 佢地竟然都有買花送黎...真係有100分的驚喜...首先要係度澄清無叫其他朋友的原因係因為要有tickets先入得場, 而每人都係分得0個兩張咁大把, 我有同學仔唔要先俾我找多兩張來, 所以只叫了多兩位出席, 地點太遠也不方便叫太多人...

正式行禮, 除了自己上台一刻係好緊張之外, 其他睇人地上台都幾悶, 除了自己識的人外, 咁中間都有d搞笑野, 例如有個同學叫"蕭肉", 係"蕭玉"至真...哈哈...有個叫咩x小強, 都會引起一陣耳語, 有人差點仆到台上..

典禮結束, 我地就繼續影相, 陸佑堂好有harrypotter同埋不能說的秘密的學校feel, 大家都爭相影相, 幾位都未來過hku, 決定要在這次機會影多些相, 好搞笑的係, 阿達同阿gun,kally, 豪哥都不停探究影相的學問, 不停又擺post, 又要試鏡, 老土的沙lon post 都有出現...哈.哈.真係好好笑的...

kally話我知, 佢地叫豪哥擺個有型post, 人地擺好晒, 但係就影大頭..笑死...

我地叫豪哥係度"看"野, 我地上去影, 佢話"點解係我?"...無人答佢, 全部走開晒...

好期待下一次讀什麼再有一次的畢業典禮參加....感覺超正...可是讀的過程真的苦爆....

換來了今天的喜悅, 現在什麼都會值回票價....

剛轉工一個月多的我, 又收到突如其來的機會, 陳哥提議回前公司做, 因為那裡正請人, 而且有發展空間, 人工也較高, 我其實從沒想過要回舊公司工作, 因為"回頭草"不易吃, 如果講發展, 舊公司好似又會比較好, 有一次跟朋友番到教會, 得到一本小書, 前幾天不期然翻開, 說人生每一個安排都是考驗, 時機到, 機會就會來, 要不要, 又是一個決擇, 我信命運是一早已安排好了的, 你想在分义路怎樣走, 走下去就會截然不同, 會否選錯, 你沒得後悔...人生就是這樣的充滿生機的走著...

24小時的麥記, 我坐足一小時...還是沒頭緒

跛腳看世界

前幾天不小心整親舊患, 扯到印帶發炎, 右腳不能屈曲, 變成跛腳女, 平日行得衝衝忙忙的我, 這幾天都要"吉"住行, 走慢了很多, 就是因為這樣, 我才發現我平時真的走得超快, 走路都不看身旁事物,走慢了, 我才發現身邊的人都不是這樣趕忙, 還多留意了身邊的人與事, 我正在反省平日這樣趕為了什麼, 我第一句會答"香港人嘛", 原來這樣趕令我錯過了很多事物, 我要嘗試走慢一點, 看多一點...

前天終於買了"路上音樂", 有了它, 再沒那麼寂寞, 最近都依然是棒棒, 范范世界...國語日

偏見....

原來有時候 無論你做過了多少次好事 這是應該的

就算你做得多對 多好

存有的偏見....

你便已跌入深坑

沒人得救

永遠污泥



偏......原來是這麼的...偏偏......偏差....其實是會錯的.......你怎保證你偏的是對.....

我雖不知你偏的對或錯.......但我不應被偏入偏錯那方.....從來偏.....就是........沒有錯與對的關係.....喜好..........吧!

PATTERN

發現買野的pattern...原來..每過幾年就會番新一次....即使你現在擁有一部8GB的MP3..滿足爆燈...三年後你仍會想要一部什麼無限GB的MP5(MAYBE)

即使你現在擁有一部一千像素的相機..明明差點連骨頭都影得清清楚楚.....數年後你總要擁有一部更先進的...可能會透過你影出太空的影像...

即使你擁有一個永遠都時興的手袋.....幾年後你還是要買一個更時毛的手袋....

即使你擁有一條永遠都著得好看的牛仔褲....你還是會在日後買過一條能帶你飛上天的牛仔褲....

即使你什麼都擁有.......你還是會不停的追求......
即使你手上裡都是最好....你還是向外觀望找尋更好的.....

知足....談何容易......
珍惜....何其困難......
知道~了~又~如何~~~

扯頭髮

久未通電...

諾:喂姑姐, 阿細佬佢扯住我的頭髮呀?
黑心姑姐: (心想: 仲唔有人治到你,平時成日串我) aiya..咁呀...你鍚唔鍚細佬先..
諾: 鍚呀.
姑姐: 如果係鍚細佬既話..就俾佢扯陣lor, 佢都係鍚你先會咁做咋...(哈哈..仲整古唔到你今次)
諾: 但係真係好痛喎, 佢係咁扯住..好痛呀..
姑姐: 依家仲扯緊...?
諾:係呀．．．
姑姐：　咁俾佢扯多陣ｌｏｒ
諾:（終於出手）唉，我唔同你講呀．你都唔明０架啦．．

放下電話走了．．

忙著...病

這個星期忙得很....忙著病...一轉天氣我一定會出事....果然氣温一跌廿三...我便即病...不得不讚中國的曆法超準...我病的一天是"寒露"...現在擁有一把低沈的聲音...

又買不到eason的演唱會了...不知為何今年很想看他的演唱會....他太紅吧...四度加開都可以即爆...那天的一小時已爆了....

今星期會去看千嬅演唱會...聽聞她會唱舊歌為主....這就對了...回憶的時間又到了....每次聽到某些歌曲...我都會想起某一些那時聽這歌的情景...喜歡聽歌...就是它有這種魔力...令你從失去了的記憶中喚醒過來...

下星期將會更忙...十月中的盛事...一件接一件....

thanks ho

看著七年前的記錄 原來我們的回憶你記下了不少 我只看了兩三篇 說聲"謝謝你"

累積所有的感動 日記裡頭

寫滿了我們所有 從頭看過

心跳還是一樣加速跳動

點點滴滴都像夢

不要再在廚房搞破壞

一個好廚師不應該問"刀在那裡?油放那兒? 不要每事問呵

一個廚師不應忘記自己正在煮東西而走去看電視 弄得全都燶掉

不應煲水過線標晒出來

令食客坐不安 吃不下


+++++++++++++++++++++++++++++++++++++++++++++++++++++++++++++++++++

依家明白每天要想"食乜好"的痛苦 依家知一道簡單的菜都不是易事 依家知道飲食之道超有學問 依家明白下班煮飯的感覺 明白了~便學習~

棒棒堂

認識這支台灣棒棒堂又是多得舊同事卡(她真的潮爆, 數月前已一早介紹我留意) 由於最近已有channel v台, 時時都會播著他們的節目, 所以看多了, 起初不知是什麼來的, 一大班男孩做節目搞什麼鬼, 後來細心看了, 卻發現這個節目很有心思, 他們各個身懷絕技, 跳舞大風車叫人嘆為觀止, 時時都有一些挑戰給他們去完成, 總之是好看好笑, 值得推介. 他們第一次來港做宣傳, 仲要去我地頭, 我一定要去捧場, 心想還要影多d相給身處境外的卡看.

幾千人潮, 尖叫聲振耳欲聾, 勁過紅館開show...

不斷以芭蕾舞"吉"高睇同影相, 算有交代...

搭Lift記

我發覺我好怕搭lift層層停的感覺 以前住低層 我二樓都要搭lift 心諗你咪當我住中層lor 點都要停0架啦 我入得黎就遇要停我0個層 理我住咩樓啫 不理人地諗乜 依家住高層 早上超趕時間 仲要層層停 真係激到死

停邊層都好　一開lift 門 我就心諗 ｘｘ樓就行樓梯啦 搭lift?
哈哈...唔係咁諗 我消唔倒到氣 我都唔想咁諗0架....但係佢真係層層開 我就真係頂唔住

見到d 學生入lift 心裡就會咒駡 番學早d 啦.....幾點呀依家......八點先出門口 遲晒到
見到阿伯阿婆入lift 心想:大佬呀...飲早茶你一係早d 啦....唔好係人地趕住番工時出門口啦

搭lift 最憎d人入黎唔會按關門的　　　　就係成０架Lift得你同佢　　　佢最後入黎後都夠膽死企埋一面　　　真係唔去按關門　　你忍唔住手咪會行去按lor
我記得以前番創紀　通常ｄ男人係唔會按關門　　成０架lift爆晒　　佢地企係ｄ按鈕前面　　佢地係點都唔會按的　　由得佢唔知過了幾多廿秒自動關門　　　趕時間就超慘　　你又行唔到出去按　　佢又死都唔肯按　　　成舊飯企係度　　　乜都唔做　　超老土
可能如果佢地去按　　會似０個d百貨公司的lift中小姐　　但係咁樣佢地好唔gentleman　仲衰　　反而女士門好好　　通常都會按　　

哲學家

最近愛上范范 除了她主持的"棒棒堂"外 也有她的歌曲 我認識她是從她演出台劇"愛情白皮書" 她唱那首"啓程" 聲音已很吸引 到最近時時看她主持 開始很喜歡她 她出新碟 也會特別留意 她唱的歌 都很動聽 也帶出了十個故事 十個關於哲學的故事 是哲學嗎?? 其實我不知道 我只知她唱出了一些生活道理 給人一種提醒一份同感一起經歷

其中的歌詞為何寫得咁貼切呵...

我的頭頂老是有一片烏雲　

我的嗜好是亂發脾氣　

我上班MSN 偶爾也打打瞌睡

我碰到連續假期還會喊萬歲

罩杯再怎麼擠也不會有G

你說我太天真　其實我也無所謂

受點委屈就當是在補身體　

有時候吃點小虧就是佔佔便宜

這個世界有時候不太公平　

爸爸說拜託比上不足比下還有餘

沒有小螺絲釘　

哪來的大機器　

更何況快樂其實不需要有一身正氣

阿卡要飛了

阿卡係我係舊公司的同事 今天她便要飛去英國過她的新生活 認識她接近三年 人大了越難認識到新朋友 別說跟別人混熟 一定要夾才行 跟她拍住工作 這是建立這段友誼基本原素 可能我倆的星座都是一樣 顯得份外夾 要駡的一齊駡 要食的一齊食 她很喜歡帶飲品回來跟我一人一半 其他同事見到我倆都會說 "咁細包仲要分黎飲, 邊度夠呀" 成日都會孖住上孖住做野 有時見我一個人 同事就會問阿卡呢 我們似雙子星 我時時說公司一連失去我們這對孖寶 真的係一個好大的損失 我倆做事都係做好本份 最憎俾人屈 總知合作無間 我介紹她飛輪海 她說什麼鬼樂隊 她介紹我小豬 我將佢掉入垃圾埇 結果最後都愛上對方的介紹 我們相約有機會一起去台灣旅行追星 希望下年有機會

我與另一位同事mary送了一本scheudle book俾佢 mission:要佢記得香港 我便將有關香港的icon 或佢喜歡的人都貼上去 全貼在香港的公眾假期上 希望佢唔會忘記