下雨天的鞋

聽說直到今天, 今年的下雨量已超過了上年一整年, 周遭的環境都濕淋淋, 當然要下雨, 自然現象,但是其實也不用每天都像瀑布一樣, 下雨下到真的有點驚, 每天都這樣, 足足整個星期有多, 最怕上班下班, 最糟糕的是一雙鞋子, 鞋子的皮有多堅硬, 對著如洪水般的雨, 真係難免會頂唔住吧! 一回家又要設法把它弄乾, 雖然有另一雙鞋子可以作明天替換, 但你也沒理由把它掉埋一角就算, 所以回家一定會先處理鞋子, 把報紙塞進鞋裡, 再把它放在一叠報紙上, 在冷氣房中吹一晚, 明天又會回復舊樣子, 雖然這是好方法, 但我在想它可以頂多幾多場像最近的瀑雨呢?

小美

最近終於看完了"換換愛", 問舊同事diy已借了多時, 終於在最近這個星期狂煲, 楊丞琳果然係可愛教主, 賀軍翔更是殺人於無影, 每日看彷似在吃甜品一樣, 因為他的笑容好甜, 又好型仔, 他說話的聲線還有點像小豬, 真係唔駛食甜品, 睇佢都夠了..

可愛vs自私

跟MELODY去超市, 買了三筒糖, 走回家的路上, 我跟她說,
美: 你有咁多筒糖, 陣間請大家食一人一粒
M: ……..(唔出聲)
我再將問題重覆一次,
M: 我諗住自己食0架喎…(無辜的聲線)
美: 我原先只係買兩筒俾你咋喎, 結果你依家有三筒, 就算請了大家食一人一粒, 你都仲有兩筒剩啦..
MELODY遙遙頭的表示不願意…
美: 你咁自私0架? 好, 我問你, 你想做一個可愛的小朋友定係一個自私的小朋友..?
Melody照舊唔出聲，　我再把問題重覆，答案竟是
M: 我諗緊呀…
美: 下..諗緊, 呢D唔駛諗0架啦係咪呀…快D答,
過了幾秒後, 我再催促佢答我,,
答案係: 自私
美: 有無搞錯呀, 你竟然選擇做自私的小朋友…
M陰陰嘴的笑
美: 點解你會想做自私的小朋友0架.???
M照樣唔答…
由於我太想知答案, 唯有出絕招: .
美: 如果你肯答我點解, 我再去7仔買多筒糖俾你..

突然身邊有一個傻佬行過, 望著我和諾諾, 竟然掉下這句說話: “點解…依家D 小朋友咁可愛既….”

我聽後, 立即跟諾諾急步走, 我告訴諾諾, 快D走呀, 傻0架, 小心捉了你走呀…

我們來到7仔, 我再追問真相, 由於已到達得手的地方, 諾諾和盤托出,
“因為呢, 我細佬仔都好鐘意食糖0架, 似足我咁”(邊行邊想走入更深的地方找尋糖果),
美:你細佬都無牙，　點食呀？
M:　佢有四隻啦。。。

解釋得超遜，　我拖著她離開了７仔。。

黑眼蓋

係我個人out, 定係佢太誇張呢, 昨晚放工坐巴士, 我坐下層那些面對面的位, 一個站之後, 有一位女士坐在我對面, 她的妝容的確令我有些嚇死的感覺, 主要是她的眼睛, 塗上了黑色的眼蓋膏, 這本不是什麼問題, 黑色也有人用吧, 重點是她塗得太恐怖, 我奇怪為何她時時望著我, 原來她不是望著我, 她其實是睡了, 合上眼睛,但感覺她還是張開眼睛, 為什麼?因為她的眼蓋膏, 覆蓋範圍很大, 又很黑, 所以她合上眼睛, 好像還是張開眼睛, 就似整蠱專家一樣, 把一雙假眼貼在眼蓋, 但事實上是睡著了的感覺, 超驚! 還有她帶著那大大的眼鏡(這一定是潮物), 卻怎也不配合她, 我唯一能制止恐懼, 便是也裝著睡, 免得我以為時時有人瞪著我

Kelly

跟大碼去睇kelly的演唱會, 免費飛當然支持, 其實kelly我好似睇過兩三次的了, 都係以前的好睇, 頭一part 睇到我同大碼抝爆頭, 佢話未來戰士LOOK, 我以為係古代靚版, 有一PART係水底世界, D海洋生物超難估, 有隻好似娃人的水撲鞋, 佢話係魷魚, 一堆汽球係多春魚, 仲有成堆野唔係好知乜鬼, 不過, 佢D衫真係好靚, 而且佢真係好FIT, 跳舞都好睇的,邊跳邊唱, 都唔多喘氣, 不過唱新歌就唔係好識, 都係後半PART唱番D 舊歌, 我地的投入感才增加, 其實最有共鳴都係佢唱番舊歌, 都話佢近呢幾年已進入半退休, 縱使有出碟, 都無以前咁HIT, 或者無咁勁, 其實佢個人我都幾OK, 因為佢個人好真, 講野又帶點傻大姐, 可能佢本身有錢家底, 所以就算係呢行咁耐, 都無乜變(唔會話紅就特別HILL), 因為就算佢唔紅都唔會餓親, 隨時唔撈無所謂,

佢有一PART 跳D 中東舞, 條腰要LAU黎LAU去, 佢話佢練了好耐, 要MAKE SURE所有觀眾都睇到, 便周圍去問邊一邊睇得唔清, 就走去那一邊再跳, 成個演唱會都好多人送花, 依家唔係好興喎!



請留意紅衫的男仔, 好搞笑的!

生日

有朋友好重視自己生日, 正所謂"每逄佳節, 必痴斤", 作為朋友的我們, 一定俾面出席, (唔通你明知佢介意, 你都唔出席咩, 唔出席, 隨時黑足你一年面, 咪大件事,所以一定要到場支持)

跟朋友5 sms, 佢話朋友11 在公眾假期工作到十點, 我說不是吧, 果然為了自己的生日, 不惜放棄難得的假期, 工作到黑夜, 目的只有一個, 就是能準時出席自己的生日會, 甚至乎要早到, 看樣子, 對我們也造成了相當大的壓力, 你夠薑不出席嗎? 你有pot遲到嗎?

朋友11假設場境:
11: 你仲未到呀? ok啦, 我自己一個人行住街先lor
11: 最早到餐廳的一個, 但平時其他朋友生日, 卻是最遲到的一個
11: 唔係要我等下嘛?

朋友11, 生日快樂!!! 我會準時的.

紀念册

今日睇番部份中五時候的紀念册, 原來以前俾人既諗法係:
總括: 中一至中三, 愛幫人, 借功課俾人抄係不遺餘力, 小氣, 愛發小姐脾氣, 健談, 超喜歡王菲
中四至中五: 多朋友(我都記得好似成日周圍同人打招呼, 只限同級人士), 搞笑, 健談, 開心, 變0左(就係無再小氣同發小姐脾氣), 依然時時談王菲superfans, 無乜自信心, 傾心事的對象, 依然助人....

我最能承認的性格是: 超喜歡王菲

最不想承認的性格是: 小氣, 愛發小姐脾氣

顏色

我發現每一段時間便會喜歡上不同的顏色,突然間你身邊所有的野都變成了那種顏色, 我不知是先有那顏色出現在你周遭, 然後你留意到發現到, 繼而愛上, 還是你先把顏色認定了, 然後你去把身邊的事物都變成了那顏色, 這我始終搞不懂..

不同顏色應該代表當時不同的感覺, 同一種事物, 你在不同時間可能會選擇唔同的顏色, 那代表你有不同的感覺, 顏色是一門學問, 著什麼顏色衫, 也好會反映你那天的心情, 留意下你身邊最近是什麼顏色, 有助你了解你最近的心情..

諾

又同阿諾講電話:
諾: 姑姐,我今日打了俾阿嫲問佢好番未?(事關阿嫲病了)
美: 嘩...咁乖呀, 咁我真係要買個melody水泡俾你先得喎(事前已叫我去買,未應允中), 咁啦, 如果你聽日打多次俾阿嫲, 咁我就水泡+melody文具一套送俾你...
諾: 阿姑姐呀, 我可唔可以依家打俾阿嫲, 但係你計聽日數呀?
美: (真係無諗過佢咁講)緊係唔得啦, 今日還今日, 聽日還聽日呀嘛..咁你聽日記住打啦喎..
諾: 哦,知道

諾:喂姑姐,阿細佬好番啦(細佬之前病了)
美:咁就好啦,咁叫佢保重身體, 涷呢就著多件衫, 熱呢就除0左件衫..
諾:姑姐,你等等, 我即刻同佢講
(阿細佬,姑姐話呀咁叫佢保重身體, 涷呢就著多件衫, 熱呢就著多件衫..)
諾:得啦,講了俾細佬知啦
美:喂,錯晒呀,係熱呢就除0左件衫, 唔係著多件衫呀..
諾:哦,咁你等陣先..
(細佬,姑姐話熱呢就除0左件衫..)
諾:得啦
美:你要由頭講一次呀...
諾:哦, 咁第一句係咩呀, 你可唔可以講多一次呀?
諾諾真係由頭再講一次..可以見到佢幾鍚細佬...

諾:喂,姑姐,我地傾番pizza hut0個單野先
美:有咩好傾呀
諾:有呀,我地講番先啦
美:哦..好啦,好啦,咁你講先啦
諾:你講先啦
美:你講先啦,係你話唔得閒咋嘛..
諾:唔係呀,你講先啦
美:呀...好啦好啦, (咁我唯有重頭講起)
美:喂, 點呀?你幾時得閒同我去pizza hut呀?
諾:(嘆晒氣)我好忙呀, 都無時間....
<原來佢要帶我入番戲, 要我重頭問起, 然後佢又答我佢好忙, 佢的目的達到了>

易來易碎

計錯數

Melody: 我講d搞笑野你聽呀...
美: 係咪真係搞笑0架..唔搞笑咁點先
M: 唔搞笑都唔話你知啦....
美:哈哈哈....好啦....咁你講啦...
M: 我地學校開百貨公司, 老師叫我地帶D衫番去...
美:咁你扮演咩角色呢?
M: 我緊係扮收銀員啦...我計數咁叻...
美: 乜你計數好叻0架咩...咁我問你1+3等於幾呀?
M: 我呀...幾多件衫+幾多件衫都識啦....................................
(始終答唔到我問題中心)
美:我問你1+3等於幾呀.....(問了好幾次....)
M: 五十五.....
美: 你錯晒啦.....1+3點會等於五十五呀....你咁"咋", 我唔同你玩呀......
M: 哎...姑姐我都未學過加數, 加班我就識啫, 加數我邊識啫....我讀緊XXXX班咋喎....
美: 哈哈..你都幾搞笑0架喎....
M:係呀．．我地幾搞笑０架
美：　邊個我地呀？
Ｍ：我同你囉．．我地都幾搞笑．．．