第一代K王

記得以前去唱K, 我唱得最行的年代, 一定係SAMMI, 鄭秀文當紅的時候, 佢既歌必定會點唱, K歌中的K歌呀, 女的入到K房, 就算你唔喜歡她, 都一定係必唱, 唱到爛都要唱, 唱到唔想唱, 都係唱佢...太多經典, 太多懷念




又係成日都會點的一首

合唱歌, 呢首簡直係排第一

嘆茶

星期六日飲茶係經常性的節目, 雖然來來去去都係食一盅兩件, 不外乎也是叫差不多的點心, 但係幾享受當中的過程, 中國人呢個上茶樓嘆下茶其實真係唔錯, 唔似去茶餐廳, 坐多陣都唔好意思, 又驚老細話你阻住做生意, 以前我唔係好明點解D人咁鍾意去飲茶, 其實一家人咁樣聚下係一件好開心的事, 尤其係唔再一齊住的時候...

到此一遊

諗住放假可以去郊外行一行, 單車踏不成, 諗住去濕地公園行下, 點知仲落起密密的雨, 結果只係到了個站頭又折返, 當遊車河...

柴九與我2

電話響起

我:喂, 邊位呀?
諾:我係柴皮呀...
我:喂, 柴皮, 好掛住你呀..
諾:姑姐, 我打了好多次電話俾你啦
我:我今日唔記得帶電話呀, 可唔可以大聲D講多次你係邊個呀?
諾:我..係..柴皮呀.......(大聲)
諾:我想同你玩個抽獎遊戲
我:咩獎0架?係咪D古靈精怪獎品呀？我唔要０架
諾：真係幾古靈精怪０架喎。。
我：即係咩呀？
諾：好似橡根咁０個Ｄ。。

真係超無聊。。。同超古靈精怪。。。

柴九與我

最近阿諾又再打電話來跟我聊天, 佢真係好好笑, 話說我成日話佢發脾氣, 於是之前幫佢改了個名叫"阿皮", 佢每次打電話黎, 當我問佢你邊位既時候, 佢都會話"我係阿皮呀..", 真係笑反肚, 最近柴九熱潮, 我同阿皮講, 以後我問你係邊位時, 你就話我係"柴皮", 跟住, 我就同佢試一次.

電話響起:
我: 喂, 你係邊位呀?
諾: 我係柴皮呀
我: 請問點解你叫柴皮呀?
諾: 姑姐幫我改既
我: 咁柴皮點解呀?
諾: 皮即係我成日發脾氣LOR, 柴就係柴九個柴...
我同柴皮都一齊笑起上黎...

柴九

係好多朋友及同事的推介下，我決心追番柴九，終於用了兩天的日子追番晒，星期六仲訓唔著，六點幾已經開始睇，一氣呵成，終於對＂人生有幾多個十年＂有共鳴，未睇前雖然都知係名句，但未知來歷，始終都係爭Ｄ，我仲好鍾意裡面一句＂就算兩脥插刀，打甩門牙和血吞＂，四奶奶又話柴九有事，佢下半生只會做一件事，就係告個兇手，天涯海角，告到京城都要告到底，氣勢如洪，我今個星期可以抬起頭同人同步話＂我要番屋企睇柴九＂，邊個都阻唔到我。

老麥

同友人談起老麥的排隊買野食好有問題, 好唔喜歡分兩條隊, 一條買野食, 跟住又要你係隔離0個條隊又係排隊等, 我地話, 咁樣係方便佢地D人, 唔方便我地D客人, 轉黎轉去, 隊與隊之間又窄喎, 總之好唔喜歡咁樣,
友人話: 雖然係咁咋, 但係我真係又唔捨得杯葛佢地喎...
我問: 點解呀? (明明大家講到好激氣, 突然又轉番汰既?)
友人: 因為我真係有時就會心思思想食, 係0架車到都會諗下落車買唔買好呢,買唔買好呢?買唔買好呢?(真係講了三次咁多) 有時買番屋企當加餸...一耐無食, 就要食...
(係佢講呢番說話其間, 佢已經買緊麥記回家加餸了)

所以FANS係盲目既

哭

5.12 : 就是昨天, 我有一個親人在鄉下離開了, 心很痛, 她很年輕, 人很好, 也是一個永遠笑容滿面的好媽媽, 離開得很突然,現在我除了哭, 我還是只能哭...

一首感動的歌

這個星期買了碟看"東亞華星演唱會", 正呀! 最感動的一首歌莫過於這一首了:

聽著就會想到他們的感情...不知不覺的...

正常生活

回復正常生活的我, 開始進入正常的軌道, 不要再進入OT的黑洞(太多), 必須每星期進入健康加油站充電, 最近正在重新探究哈利波特世界的第六回, 為暑假即將上畫的第六集做好功課, 還要密切為下個月的旅程準備...

感冒

終於完成半個月之多的機場工作, 希望盡快回復正常的工作, 不好彩的是, 我又病倒了, 我都未見過診所多人到咁, 基本上係座無虛席, 連想找個位置企都無, 細細的地方, 企滿人, 醫生肯定又賺到開行, 等了個幾小時才有得睇, 真係恐怖呀, 由於豬流感殺到入黎, 口罩都全城斷市了, 真係唔敢怠慢, 經過藥房都好多人, 真係唔好彩, 點解香港成日都有份, 以前沙士, 我地就被人岐視, 無得出聲, 依家墨西哥就話人地岐視佢, 抗晒議, 真係唔公平, 希望香港爭氣d, 快d無事啦...