嘈音車

大家應該有遇過係公共交通工具上, 講電話講到大大聲的乘客, 每次我遇上這些人, 我心裡都會不奇然爆佢, 其實講係無問題的, 但可唔可以細聲d先, 我係針對住, 講到全架車都聽到你的對話的人, 我唔知佢地撞聾定係把聲真係洪亮到咁樣, 佢地一定無諗過週邊的人根本唔想知你係邊度買了件靚衫, 阿邊個仔考得唔係幾好, 幾時食團年飯, 由期時坐長途車, 放工時, 其實精神狀態已不是好好, 還要逼著在你耳邊嘈呀嘈...

今日又俾我遇上個大嬸, 講足半程車, 我已為了佢較大聲d個mp3, 竟然我依然每隻字都聽到, 全車也只有佢一個人講, 不停講, 全程超大聲, 又唔可以叫佢細聲d, 我驚到時佢爆我樽, 於是心裡就係咁爆佢....

真係尊重人好重要...以為架車係佢咁...激死...

Saving

話說有一個朋友好stupid, 我同佢講"stupid can't save", 另外兩名友人都明這句的意思是解作"蠢人無得救", 我們都是email對話, stupid的朋友竟然親自打來問呢句英文究竟點解, 我唯有再講stupid can't save, 然後都解了中文一次, 她竟說, 我英文有問題, save 根本唔係解拯救, 係解儲蓄, 我一時間都唔知點應佢好, 真係stupid can't save again, 入了toilet冷靜一陣, 點解會識到d 咁既人時, 靈機一觸, 回位再回email.

我說: 若要challange我, 我相信要先challange Hollywood先, 因為有一套戲叫"Saving Private Ryan", 中文釋名叫"雷霆救兵", 若根據朋友的解法, 是否應改名為"雷霆儲蓄"呢?

結果她再沒回我email

感覺不同

離開香港呢個咁忙的城市, 走到鄉下生活兩天, 更發現香港人的巴巴閉閉, 未必人人去到都會習慣那裡的不講究, 但大家都生活得好開心, 這根本就是做人的重點, 簡單根本就係最幸福的, 香港的小朋友時不時就話壓力大要自殺, 拿死威脅家人, 終日掛住上網打機, 唔讀書, 睇下大陸的小朋友, 個個都珍惜番學的日子, 喜歡學習, 也勤力做工, 即使番學的, 都會幫手工作, 那樣生活他們一樣go ahead, 沒什麼抱怨, 你可以話大家生活文化唔一樣, 無得比較, 那或許是對的, 去不同地方感受不同文化生活, 你可能會發現更多重要的意義!

美覆迪言

雖然夜深, 但見此文, 相當有心, 放在留言, 實在不甘, 供開欣賞, 分享你心.

受害者留言: 美美一談名有美字, 永無執輸, 故稱cheap美． 識她之時，有框眼鏡，加上職業，為人古板，再度加盟，無可口非，略有改善，須則外表，普通平凡，兩脥儲糧，唯一嘉許，高挑無肉．至於恩緣，遇上好人，娶她為妻，三生有幸，不用擔憂，孤獨終老．逾揮青春，潮人潮事，必關佢事，扮晒出色．性格方面，六字解說，掛羊頭賣狗肉，貼提到point． 再說為人，心地純良，氣量驚人，義字當頭，值得交心，不能多說，她會驕傲，借提發揮．離職在即，唔打嘶嗌，千祈唔好，招招積積，過我兩億，我會感激．

終於有人如此細心, 留意我時, 給我評分, 那些觀點, 各有各哼, 出色文章, 為你加分

艾迪說

她, 名鳯詩, 可能人太低B, 又稱鳯ｂ,算高少橫, 常為幾分姿色, 扮晒出色, 有一女叫琪,頗串, 先生是業餘車手, 曾見報, 她性格爽但賤, 不直言, 愛暗言,令人死於非命, 與狗掛勾, 出口必中要害,轉數快, 善良, 喜煲台劇, 愛整人, 公司受歡迎程度直達金表級數, 月尾離職, 祝繼續打屎EGG,日日都好色, 事業創佳績．

我的20007十大

見到最近咁多個頒獎禮, 我都好想選十首2007年最喜歡的歌, 我的評分標準緊係最簡單, 就係最緊要我0岩聽, 當然還要睇下我喜不喜歡那個歌手啦, 仲有邊個作曲作詞, 我都會列入評分準則, 其實各花入各眼, 點樣去評定真係標準不一, 有時歌曲本身的故事你未必會首首經歷, 我的好歌很多時候都會打動到我雞皮疙瘩的...跟著一起經歷, 一同開心, 一同傷心, 我相信是我喜歡的原因...



排名不分先後:



1. 范瑋琪 - 是非題 ( 我們從不證實那個問題 那一些是非題　總讓人傷透腦筋) 從啓程到現在, 她的聲音依然很打動我, 因為棒棒堂再一次多了睇她的演出, 是一個超有實力的歌手

http://www.youtube.com/watch?v=o9WUgBa0iYQ



2. 周杰倫 - 蒲公英的約定 (認真投決定命運的硬幣　卻不知道到底能去哪裡) 每次一聽, 就會想起不能說的秘密, 然後會有一種心痛的感覺, 然後會沉入了歌曲中...然後電影中的片段會幕幕浮現

http://www.youtube.com/watch?v=6dSg2cwHK3Q



3. 蔡依林 - 非賣品 (包裝的堅強　笑得那麼自然 悲傷也放進櫥窗) 其實她是一個好強的歌手, 由不懂得跳舞到跳到出神入化, 很欣賞她的堅強, 這首慢歌好有感情, 跟周董分手的她, 唱得更加動聽, 每次聽都係會走入了...

http://www.youtube.com/watch?v=M8idi7yLpsQ

4. 棒棒堂+黑澀會 - 苦茶 (不用等你開口先說我愛你 在那之前先對你說我願意) 係一首好冧的情歌, 正呀!很難跟歌喉一流的歌手相比, 能夠入圍, 由於我跟他們在channel v已建立了不可磨滅的友誼..

http://www.youtube.com/watch?v=t5zV2vKE3oI

5. 古巨基 - 一刻永恆 (某一次坐長途機　夜機　夢中擦過萬里 我親眼面對晨曦　天地　這種美　餘生銘記) 每次聽到呢句, 我都會想像自己看著晨曦, 相當感動, 每一天都不同, 每一天都是新開始

http://www.youtube.com/watch?v=MrTQAlZGFb8

6. 羅志祥 - 最後的風度 (想你幸福 想不到分手你才幸福) 是林夕第一次替小豬填詞, 我簡直開心百萬培, 我很喜歡王菲搭林夕, 依家是小豬搭林夕, 真係超開心...這首歌 我每次聽都好喜歡, 應該咁講, 每次聽小豬的歌我都好喜歡...他是繼王菲以後, 令我最開心的人, 華仔除外...其實我還有一首好喜歡 是"我不會唱歌"...

http://www.youtube.com/watch?v=LEC7tOgQkIo

7. 謝安琪+劉浩龍 - 滄海遺珠 (就算誰都不欣賞 但偏偏 我可以) 阿kay初初出黎 聲音好特別, 有時聽佢的歌, 有王菲的感覺, 事業剛開始不久便去了生仔, 個性更特別...至於師兄, 歌喉似足eason, 其實佢把聲好好聽, 有時錯以為佢係eason, 但這更是他的難位, 要特破別人想法不容易, 這首歌其實是年尾時跟舊同事去k 而認識的, 很喜歡那些歌詞...

http://www.youtube.com/watch?v=YfMSG5UZXLU



8. S.H.E. - 五月天 (大雨沖走了昨天 青春烏雲幾片 彩虹的旁邊 有星星幾點 迫不及待在眨眼) 睇了花樣少年少女, 對ELLA更喜愛, 三個女的我最喜歡ELLA, 其實雖然外表好男仔頭, 但她其實很甜的...也很搞笑, 這首歌一度成為2007年用得最耐的電話鈴聲, 也是我表弟表妹的電話鈴聲, 三個都係呢個鈴聲呢...

http://www.youtube.com/watch?v=8JBODeisBYY

9. 楊千嬅 - 最後今天 (原來很無謂　敷衍我一世 愛這種愛人越挨越見鬼 今天只想放低　結束感情未墊底 再不要在暗角自毀 ) 今年千嬅轉了去黎老闆到, 我好唔捨得佢離開PARCO, 因為我成日都覺得PARCO好鍚千嬅, 呢首歌的歌詞係黃仲凱填的, 我記得以前佢做過DJ, 對呢個名字似陌生又熟悉, 好喜歡千嬅唱呢種白話D的慘情歌, 每次都好有感情, 可能佢始終俾阿中基傷得好痛...



10. 蔡旻佑 - 我想要說 ( 那一秒鐘　有沒有發現我倔強裡的問候 怎麼勸我放手　在這一切之後) 是轉角遇到愛的其中一首插曲, 每次一聽就會想起程朗同埋心蕾, 一套我很喜歡的台劇...

http://www.youtube.com/watch?v=pMGGZpVuREQ

諾語

同諾諾傾電話：

諾：姑姐你幾時買演唱會飛呀？
美：聽日ｌｏｒ
諾：唔該晒

（日日都打來，自從買了後，無再打過來）

美：喂，陳祉諾Melody...XXXXXX
諾：姑姐，你唔好再叫我陳祉諾Melody，你叫我做Melody就得０架啦．．
美：哦．Melody
諾：係，姑姐．
（佢真係好笑）

誠叔：你係度做咩呀？
諾：同你講電話ｌｏｒ
誠：講電話之前呢？
諾：等緊同你講電話ｌｏｒ
誠：等緊同我講電話之前呢？
諾：坐係度等電話ｌｏｒ
（真係好Logic）

表姐祝你早日康復

剛過去的星期六日, 大部份時間都到了醫院, 表姐入了醫院, 還做了一個手術, 我不知這是屬於大定係細的手術, 係個子宮到抽了個"留"出來, 雖然唔駛開刀, 但係都要開三個"窿", 個"留"有成5cm直徑, 真係好得人驚, 我仲親眼睇了個舊野, 因為醫生會俾晒d家人睇, 佢地先會再拿去化驗, 拿了出來後, 佢已不成形體, 碎濕濕咁, 總知好鬼ugly...我依家諗起都有反胃的感覺, 依家仲等緊化驗結果, 希望係良性的啦,(god bless you) 每次去醫院都有一種,咩都假, 健康真係最重要, 睇見又要吊鹽水, 又要插尿管, 真係人都癲, 好多病的病發原因都係不明的, 點樣去預防真係唔知呀...好似睇彩數咁...輪到你時真係點都走唔甩....所以每年的願望都係身體健康...希望求得神多自有神秘佑咁lor..

醫院趣事一宗:話說病房住了都幾戶人咁啦話，話晒私家醫院都一樣係好嘈，探病時間不限，所以d人可以chit chur咁轉，我咁有品格的人，點會係度喧嘩，其他病人的家人卻不以為然，當正係屋企咁大聲到好似開party咁，我表姐頂唔住，我又唔知點算，咁唯有出去同姑娘講囉，"姑娘，um.. 510病房呢，好嘈呀，好似開party咁，你可唔可以入去叫佢地靜少少呀，病人休息唔到呀，不過你唔好即刻入黎ar，唔係佢地就會發現係我投訴啦"　姑娘真係過了成五分鐘先入黎，可是卻沒出聲警告，於是佢地當然照舊嘈啦，我再出去問姑娘，"姑娘，你唔係有入過黎咩，佢地仲係好嘈喎" 姑娘話：頭先見佢地唔係好嘈，我又癈事出聲話佢地．我就話：姑娘唔係呀，你真係入多黎幾轉，佢地真係開party咁．．姑娘再次應允轉頭再入黎，今次佢真係有出聲，叫佢地靜ｄ，不過最後都係無用啦，故態復萌，完全無用，真係唔明ｄ人探病探到咁開心...尊重人，尤其係尊重其他病人..

2008.1.1

新年快樂! 為求有一番新景象, 在下的blog都有點改動了, 醒目的朋友請望向右手面...可以隨時留言的chatblog...還有告訴你時間的手繪鐘, 提醒你分秒必爭...

跟一大班朋友送舊迎新最開心, 一起玩價值三百幾元(特價180)的精裝版豪華大富翁, 我同嘉雲由青衣揾到去荃灣吉之島先買到, 玩具反斗城都會賣斷市, 香港地個個都想做富翁? 晚餐依然係叫pizza仲有sushi, 今次到訪的有兩位新登場人物, 係根的好友亞騰尼(罕有的男客人), 同埋我地的隊長祖潘, 其他成員依然係有鐵膽根, 鳯莉, 岑妹, 嘉雲, 飯後的富翁爭奪戰才是戲肉, 為求交換地契, 真係各出奇謀, 阿根同鳯莉出動真友情, 點知惹來鳯莉反面封局, 阿根破產出局, 所以呢個商業社會怎能動情?! 還有曾差點代表香港隊出賽大富翁的亞騰尼一人扮演銀行同商人兩角, 可是我認為他專心做銀行, 出人頭地的一天應該會更勝擔任一位商人, 因為他是第一位宣佈破產的人, 祖潘依然以佢的口才成功收購了我的南灣, 成為擁奪山頂跟南灣的富人, 往後卻要賣屋求財, 買了很多火車站及什麼局的嘉雲, 看似對房地產興趣不大, 風格與別不同, 岑妹現金多多, 我卻在拍賣時連叫兩口價, 離譜到極...

新一年新開始, 年年願望都好多, 不過有幾多可以實現呢...所以今年...希望唔SET咁多願望, 隨意D, 驚喜會多D..