棒棒堂

認識這支台灣棒棒堂又是多得舊同事卡(她真的潮爆, 數月前已一早介紹我留意) 由於最近已有channel v台, 時時都會播著他們的節目, 所以看多了, 起初不知是什麼來的, 一大班男孩做節目搞什麼鬼, 後來細心看了, 卻發現這個節目很有心思, 他們各個身懷絕技, 跳舞大風車叫人嘆為觀止, 時時都有一些挑戰給他們去完成, 總之是好看好笑, 值得推介. 他們第一次來港做宣傳, 仲要去我地頭, 我一定要去捧場, 心想還要影多d相給身處境外的卡看.

幾千人潮, 尖叫聲振耳欲聾, 勁過紅館開show...

不斷以芭蕾舞"吉"高睇同影相, 算有交代...

搭Lift記

我發覺我好怕搭lift層層停的感覺 以前住低層 我二樓都要搭lift 心諗你咪當我住中層lor 點都要停0架啦 我入得黎就遇要停我0個層 理我住咩樓啫 不理人地諗乜 依家住高層 早上超趕時間 仲要層層停 真係激到死

停邊層都好　一開lift 門 我就心諗 ｘｘ樓就行樓梯啦 搭lift?
哈哈...唔係咁諗 我消唔倒到氣 我都唔想咁諗0架....但係佢真係層層開 我就真係頂唔住

見到d 學生入lift 心裡就會咒駡 番學早d 啦.....幾點呀依家......八點先出門口 遲晒到
見到阿伯阿婆入lift 心想:大佬呀...飲早茶你一係早d 啦....唔好係人地趕住番工時出門口啦

搭lift 最憎d人入黎唔會按關門的　　　　就係成０架Lift得你同佢　　　佢最後入黎後都夠膽死企埋一面　　　真係唔去按關門　　你忍唔住手咪會行去按lor
我記得以前番創紀　通常ｄ男人係唔會按關門　　成０架lift爆晒　　佢地企係ｄ按鈕前面　　佢地係點都唔會按的　　由得佢唔知過了幾多廿秒自動關門　　　趕時間就超慘　　你又行唔到出去按　　佢又死都唔肯按　　　成舊飯企係度　　　乜都唔做　　超老土
可能如果佢地去按　　會似０個d百貨公司的lift中小姐　　但係咁樣佢地好唔gentleman　仲衰　　反而女士門好好　　通常都會按　　

哲學家

最近愛上范范 除了她主持的"棒棒堂"外 也有她的歌曲 我認識她是從她演出台劇"愛情白皮書" 她唱那首"啓程" 聲音已很吸引 到最近時時看她主持 開始很喜歡她 她出新碟 也會特別留意 她唱的歌 都很動聽 也帶出了十個故事 十個關於哲學的故事 是哲學嗎?? 其實我不知道 我只知她唱出了一些生活道理 給人一種提醒一份同感一起經歷

其中的歌詞為何寫得咁貼切呵...

我的頭頂老是有一片烏雲　

我的嗜好是亂發脾氣　

我上班MSN 偶爾也打打瞌睡

我碰到連續假期還會喊萬歲

罩杯再怎麼擠也不會有G

你說我太天真　其實我也無所謂

受點委屈就當是在補身體　

有時候吃點小虧就是佔佔便宜

這個世界有時候不太公平　

爸爸說拜託比上不足比下還有餘

沒有小螺絲釘　

哪來的大機器　

更何況快樂其實不需要有一身正氣

阿卡要飛了

阿卡係我係舊公司的同事 今天她便要飛去英國過她的新生活 認識她接近三年 人大了越難認識到新朋友 別說跟別人混熟 一定要夾才行 跟她拍住工作 這是建立這段友誼基本原素 可能我倆的星座都是一樣 顯得份外夾 要駡的一齊駡 要食的一齊食 她很喜歡帶飲品回來跟我一人一半 其他同事見到我倆都會說 "咁細包仲要分黎飲, 邊度夠呀" 成日都會孖住上孖住做野 有時見我一個人 同事就會問阿卡呢 我們似雙子星 我時時說公司一連失去我們這對孖寶 真的係一個好大的損失 我倆做事都係做好本份 最憎俾人屈 總知合作無間 我介紹她飛輪海 她說什麼鬼樂隊 她介紹我小豬 我將佢掉入垃圾埇 結果最後都愛上對方的介紹 我們相約有機會一起去台灣旅行追星 希望下年有機會

我與另一位同事mary送了一本scheudle book俾佢 mission:要佢記得香港 我便將有關香港的icon 或佢喜歡的人都貼上去 全貼在香港的公眾假期上 希望佢唔會忘記

城市杯

黑夜的晚上

日出時份,城市漸漸走出來

整個城市展現眼前

這個會變城市的杯, 我非常喜歡, 在工作間, 看著城市出現消失, 變魔術一樣...

地鐵vs火車

番工一星期了...習慣了... 我想我的適應能力真不錯... 很快已經可以習慣了... 我第一次搭火車番工...火車同地鐵...其實都幾唔同...

地鐵站內派"都市日報"...火車站內派"am730" "頭條日報"
地鐵速度快穏定...火車相對慢而且不平路
地鐵無電視睇只有顯示版...火車有"有線新聞"又有靜音車廂
地鐵的廣播聲音(下一站係乜乜乜0個把聲) 好聽...火車有點大陸feel(可能因為好多國內人搭)

以前好少搭火車...依家我都幾喜歡...可能佢成日係地面行...可以睇風景...早上搭...有日光照入車廂中....感覺都幾醒晨...

新工作

3/9 新工上班日 總算順利渡過 我team的同事都很好人 肯耐心教導 遇到一班好同事是很重要 將我連日來的膽心都暫時消去 這份工作未必會似以前一樣做600步隊了 暫時來說都幾好 起碼感覺真不錯 我的上司也比以前的好多了 新挑戰 接受 新工作 努力

阿根都跟我同日番新工 第一天我們都有通電 看來她今次的工作都很滿意 還讚爆了老闆跟同事 熟悉根的朋友應該知道 她每次做的工 都會有一個PATERN的　　我要拭目以待 看她今次會否淚陷IVE 淹沒屯門 但我還是要祝她工作順利 開工大吉！