熱爆燈-想環保

前幾天熱到爆燈, 一向唔係好喜歡下雨天的我, 差點就要掛起求雨公仔來, 天氣的悶熱, 又一次令我想起環保, 想起世界末日, 想起屏風樓, 想起空氣污染, 想起三十幾度, 想起夏天落雹, 沒有冷冬天, 想起一切都好似變得越來越差, 其實真係幾擔心日後的世界, 會沒有四季, 熱天更熱, 冬天又熱, 温室效應, 我地越怕熱, 開的冷氣越大, 排放熱氣, 其實對環境相對地就更差, 一切都變得好矛盾...政府成日搞環保, 唔派膠袋? 我有環保購物袋, 垃圾分類回收,循環再用? 都做得到,但係可唔可以首先種多d樹先呢?香港地小人多車多,相對樹木就好少, 其實環保講了好多年, 呢邊環保團體話反對起屏風樓, 轉頭政府就會賣晒d地出去俾人起屏風樓, 真係你有你講, 佢有佢做, 唔太一致.

我不知道大家對環保意識如何, 如果還想保留番春夏秋冬, 真的要支持環保, 我們小市民, 由細野開始, 去超市你拎少個袋, 已經做到了! 還有更多的環保工作, 等著大家一起努力!

KW的反思

朋友琪話我知朋友KW問佢, "我地成日拿你來開換笑, 究竟你嬲唔嬲?" 朋友琪從而覺得KW有反思...

於是當我跟KW講開電話時,我便問道 "喂!聽講你有反思喎?"
KW完全唔明, 我就把我與琪的電話對話告訴她, KW大反應的說:"咩反思呀, 咁嚴重, 我係咁易問下咋喎, 唔係咁上心呀?"
我立即放下心頭大石, "喂, 唔該你下次同佢講電話小心D啦, 佢好Sensetive 0架, 仲等我以為你無啦啦反思仲乜鬼.."
結果得出:KW的說話份量非常, 琪過份敏感, 我?誤信他人..

我同KW探討BLOG的問題, KW的朋友看其中一個人的BLOG, KW話個BLOG帶有"宗教色彩"同埋"感恩"居多, 可能會悶親佢...無可否認依家已經改善了, 改為COPY成大編野, 同埋推介英文歌...其實我都會推介歌曲, 不過是國語歌, 好野緊係要一齊分享!

小豬驗證口嗅底迪的結果

棒棒堂有個底迪被SET為是口嗅底迪, 小豬親身證實呵!!!很會SET呢!!!

宅男塾

這是什麼樂隊, 相信好多朋友都未必知道, 等我介紹下, 佢地就係棒棒堂的二軍PK其中一隊!
棒棒堂選二軍, 由十個底迪選最後五強, 而十個底迪依家分成兩隊, 一隊係"宅男塾", 一隊係"公主幫", 各自推出EP, 再計平時的成績, 睇下最後邊五強可以得到入二軍的機會!!!

這班宅男塾以跳舞為主, 唱歌主要靠小祿, (上圖右下角那位便是小祿), 雖然他沒有帥氣的樣子, 但我卻很喜歡他, 又跳得, 又唱得!而且他的努力真的有目共睹..

我與Hello Kitty 的情意結?

我不喜歡她!


卻買親都是她!!


為了她, 還去了老麥換她回來!!!


結果一袋一枱都跟她有關!!!


原來我已跟她結下不解之結!!!!


只有一個解釋, 就是...

Hello mimi上

花

等了一年, 終於開花啦, 這種紫羅蘭很特別, 葉是白邊綠葉, 花是綠邊白花, 花與葉的顏色剛好掉轉了!





苿莉花也是我的至愛

乾

大家應該會遇過, 下大雨濕濕的天氣, 衣物難以弄乾的情況, 在沒有陽光的日子下, 唯有把衣物掛多幾天, 好讓進入衣櫃時乾乾淨淨, 中學時期, 就有同學仔為了要把 PE 褲弄乾, 放入微波爐丁番乾佢的經典場境, 後來更演變到連鞋都放入去丁, 她還滿有丁呢D野的心得, 問佢時, 還蠻似分享會, 就算十年後大家坐下再談起都咁好笑, 咁經典!!

今日朋友又再告訴我另一經典的情況, 朋友儀打給朋友11告訴她, 她的"爸"爛了, 唔通迫爆了, 應該無理由!
原來朋友儀那天一定要穿那一個顏色襯番件衫, 但洗了又未乾, 佢竟然夠膽死拎去熨, 仲熨爛了, 起埋膠, 最後由於起了膠, 刮親佢, 所以都係無穿到, 熨"爸"我都係第一次聽, 極力勸告朋友儀, 多入些貨仔, 以免出現短缺情況, 再做出傻事! 其實我還很好奇她是怎樣把兩座山熨平呢???

傻栓@運動會

棒棒堂的運動會, 有一個環節係成個人要"痴"到去牆上去, 看看這位傻栓底廸搞乜鬼, 搞到全場翻天

無仇無怨

陳曉東重返樂壇, 真係首首都咁好聽, 呢個mv無歌詞, 但係拍得好靚, 歌詞好正!

抵騙

今日睇報紙話, 超市星期五六日所謂的大特價, 其實有些產品都是騙人的, 可能有一半根本仲貴過你星期一至四買的, 我昨天都親自見証了, 發現一pack四支裝的利賓立要21.9, 但係獨立買係5元支, 你話激死唔激死, 佢地放的位置唔同, 真係你行少步, 又唔見1.9.

其實呢樣野, 好耐之前陳媽媽已告訴過我, 所以為了買到至抵貨, 佢都真係日日去超市巡下場, 做一個精明的消費者, 可能大家唔至在0個一個幾毫, 但係如果每樣產品都係咁樣, 真係少數怕長計, 報導還指出, 其實超市應該可以做到夠平的零售價, 何解調查發現多種食品用品還要比起雜貨店藥房來得更貴? 諗深一層, 都係喎, 仲咩事, 大超市仲要賣貴咁多, 明明成本應該低d啦!!! 依家樣樣都咁貴的情況下, 至抵價同至低價, 已經係心目中消失了, 又要再從新識應呢d貨價, 雖然政府推出咩抒解民困的措施, 但係佢推出十樣, 但係全世界幾千樣野加晒價, 真係無可能幫到手..

蚊子

這位小女孩只有十四五歲, 可是跳舞真的好厲害, 連小豬都想把她帶回去...

她看著MV一格一格邊定格邊學習, 所以跟小豬跳得一模一樣, 是小豬心中的舞后

加到乜都無

呢半年來, 咩都話加, 柴米油鹽, 日用品, 車費, 金價, 人民幣,以前駛港紙好駛過人仔, 依家人仔威晒, 100元港紙對88元人仔, 香港好似突然變得一d都唔高貴, 總知你身邊所有野都突然好似狂升了好幾倍咁, 連今日去元氣食野, 一入去, 侍應已話今日開始調整了價錢, 所以換了新餐牌, 香港經濟真係咁好咩, 點解咩都話加, 仲有好多野都話缺貨喎, 去藥房永遠買唔到你想買既野, 係佢黎貨少, 定係咁多人都鐘意同你用埋同一款野呢, 好似我想買紙巾啫, 苦苦等候了一星期都話無貨, 係咪咁多人鐘意用呢隻牌子先, 我又唔見人人拎出黎係呢個牌子, 行過見到終於有啦, 諗住買埋飯, 番轉頭先買, 點知都無十分鐘, 已搶購一空, 職員叫我等聽日, 我都唔知等了佢幾多個聽日...

范范與黑人

好想介紹大家睇呢集"我愛黑社會", 因為係由范范代黑人做主持, 范范唱歌好聽都唔駛講, 節目中有很多感人的位置~~~裡面她有唱"黑白配", 超喜歡呢首歌, 係范范寫給黑人的歌...黑人聽到超感動..

成功的癈紙

一張宣傳單張大字標題的寫著:

75折(只限四天)
全場正價貨品*

*不包括公價, 折實價, 特價, 出位價, 換購品, 紙尿片, 嬰兒及兒童奶粉, 化妝及保健專櫃產品, 配藥處產品, 短期推廣產品, hallmark專櫃, 報章雜誌, 萬寧禮劵, 禮蜜卡, 電話卡, 八達通增值服務, EPS提款易及印花活動之換購品

我看完都傻眼了, 那即是沒有75折, 因為大部份產品它都不可能包括在內, 我入內走了一轉, 看看自己平常買開的東西, 永遠都係特價, 根本那就是正價吧, 因為我從未見過佢唔係貼黃色特價卡的...

其實這張傳單都係成功的, 因為我至少入去想睇下佢有咩係正價, 但最後我沒有細心發現到, 因為我都係浸在一片黃色特價牌內, 或今天出位價, 不然沒貼的, 就是化妝品, 奶粉..大家去0個度來來去去咪又係買呢d野...你不會再有心去找那是正價, 真的像尋寶一樣..

最後我是買了一樣特價品離開...

七一

能夠偷閒一日, 真係爽到爆! 真係為我病了已有兩星期的人來說是一個極好的回氣, 點解會病咁耐, 我真係唔知點解, 鼻哥一係塞過紅隧, 一係就刪唔到水喉咁!!! 連醫生都問我, "點呀, 陳小姐, 你仲未好番呀?...睇埋今次唔駛睇0架啦", 我唔認為醫生的藥唔好或者任何拖延診治, 因為佢隔無耐就會睇到我呢個長期客, 連護士都記得我的number.人地話小病是福, 咁我唯有當係小福啦, 心靈好過d...

六月三十日係中七放榜的日子, 達哥係今年的考生, 成績?佢唔多滿意, 我同朋友斤討論, 如果我地拎呢個成績就要去還神或去歐洲一個月了, 大家標準唔同嘛, 這是必然啦! 阿達, 盡力過, 付出過, 用心過, 天一定會知, 成績還有很多因素在裡頭, 而且大家的際遇會有唔同, 千萬不要因為一次的偏差否定自己的努力, 你的路是怎樣走, 上天一早已為你安排好, 最重要的是你明白過程中你不滿意的地方, 在下一次挑戰時好好記著, 每一處都是學習的機會, 我不是一個叻人, 也許我未能教你怎樣怎樣走, 但是一群支持你的人, 經常都會把他們的心放到你那兒, 你沒有讓我失望的, 我不把這些當失望, 所以呢, 別氣餒多過兩天!